Ҳамин ҳоло дар марзи Тоҷикистону Қирғизистон дар ҳудуди ноҳияи Бобоҷон Ғафурови ҷониби мо ва Лайлаки ҷониби Қирғизистон, дидори мӯйсафедон ва шахсиятҳои бонуфузи ду тарафи хаттим марз ва маросими оши оштӣ ҷараён дорад. Дар ин бора хабарнигори "Азия-Плюс" аз макони ин маросим гузориш медиҳад.

Ин маросим бо  ҳузури раиси ноҳияи Бобоҷон Ғафуров Давлатбек Зафарзода ва ҳокими ноҳияи Лайлак Алмазбек Раҳмонқулов ва мақомоти интизомии ду кишвар баргузор мешавад. 

Бино ба гузориши хабарнигори "Азия-Плюс" маросими оши оштӣ дар тарабхонаи Раънои Қирғизистон дар нуқтаи марзӣ бо ҷамоати Хистеварзи ноҳияи Бобоҷон Ғафуров барпо шуда истодааст. 

Сари дастархони оши оштӣ, аз ҳар ду тараф беш аз 100 нафар ҳузур доранд. Ин севумин оши оштӣ дар нуқоти марзӣ пас аз даргириҳои 27-28-уми январи имсол аст. 

Гузориши муфассалтар аз ин дидор ва маросим баъдтар нашр мешавад.

Дар Telegram, Facebook, Instagram, OK ва ВК бо мо бимонед.

Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.