Барои ҷавобгӯ набудани маҳсулот ба талаботи бехатарӣ ва фиреби истеъмолкунандагон нисбати 7 соҳибкор дар Суғд парвандаи ҷиноятӣ боз гардида, ҳамаи онҳо ҷазо гирифтаанд. Дар ин бора Ғайбулло Муҳидинов, сардори Раёсати “Тоҷикистандарт” дар вилояти Суғд хабар дод.
Номбурда гуфт, ки нисбати 1 соҳибкор додгоҳ барои шартан татбиқ накардани ҷазо ба мӯҳлати 3 сол ҳукм татбиқ кард. Шаш нафари дигар бо маблағҳои гуногун ҷарима шуданд. Ин ду банди қонунгузорӣ аз 200 то 300 нишондиҳанда барои ҳисобҳо (як нишондиҳанда барои ҳисобҳо дар соли 2025-ум 75 сомонӣ) ҷарима пешбинӣ мекунад.
Ба иттилои номбурда, соли гузашта, ин ниҳод беш аз 1000 ҳуқуқвайронкунии риоя накардани қоидаҳои бехатарии маҳсулотро дар фаъолияти соҳибкорон ошор кардааст. Маблағи умумии ҷаримаҳои татбиқгардида дар ин самт 253 ҳазору 152 сомониро ташкил додааст.
Ин масъул афзуд, ки теъдоди қонунвайронкуниҳо нисба ба соли 2023 146 адад ва мабалағи ҷаримаҳо бештар аз 46 ҳазор сомонӣ зиёд шудааст.
“Нисбати дигар субъектҳои хоҷагидорӣ, ки ба қонунвайронкунӣ роҳ додаанд дар асоси Кодекси ҳуқуқвайронкунии маъмурӣ ҷарима таъин карда шуд. Микдори зиёди маҳсулотҳои пастсифат ва мӯҳлати истеъмолаш гузашта бо иштироки комиссия нобуд карда шуда, якчанд номгуйи маҳсулоти пастсифати ошкоршуда дар раванди баррасии мақомоти ҳифзи ҳуқуқ қарор дорад”-афзуд Муҳидинов.
Тибқи иттилои расмӣ, соли гузашта дар Тоҷикистон беш аз 1000 тонна (1 миллиону 11 ҳазору 801 кг) маҳсулоти гуногуни хӯроквории бесифат ошкор шудааст, ки дар муқоиса бо соли 2023наздики 500 тонна кам аст.
Ёдовар мешавем, ки ҳамасола бо мақсади “ҳимояи бозори истеъмолӣ аз маҳсулотҳои пастсифат ва хатарнок” мутахассисони “Тоҷикстандарт” миқдори зиёди молу маҳсулоти пастсифат, истеъмолашони гузашта ва бесертификатро ошкор ва нобуд мекунанд. Аммо ҳамасола даҳҳо ҳолати ворид ва фуруши ин навъи маҳсулот ошкор мешавад, ки боиси поймол шудани ҳуқуқи истеъмолкунандагон мегардад.
Расму ойини наврӯзӣ дар Тоҷикистон
Боздошти кирокаше дар Душанбе баъди шикояти сайёҳи эронӣ
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 24 марти соли 2025
Нахустин ҷашни расмии Наврӯз дар Душанбе
Қадам ба қафо. Қатъи фаъолияти USAID ба бахши кишоварзии Тоҷикистон чӣ таъсир мерасонад?
Наврӯз кай ва чӣ гуна пайдо шудааст?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 23 марти соли 2025
Афви зиндониён. Имрӯз 697 нафари дигар аз зиндонҳои Тоҷикистон озод шуданд.
Як сол баъди ҳамла ба “Крокус”. Пайвандони 4 гумонбари асосӣ дар чӣ ҳоланд ва дар бораи фарзандонашон чӣ медонанд?
Чашм во кун, рангу асрори дигар дорад баҳор... Андар муносибати ҷашни Наврӯз ба дину мазҳаб
Кулли ахбор
Авторизуйтесь, пожалуйста