Раиси вилояти Хатлон Давлатшо Гулмаҳмадов зимни қабули сайёри худ рӯзи 19-уми апрел дар ноҳияи Панҷ дар робита ба ҷобаҷогузории кадрҳо дар сохторҳои ноҳиявӣ изҳори норозигӣ кард.

«Дар баъзе сохторҳои ноҳиявӣ кадрҳое машғули коранд, ки ба вазифаи ишғолкардаашон мувофиқ нестанд, чанде дар сохторҳои давлатӣ бидуни маълумоти дахлдор кор мекунанд», - иброз дошт ӯ ва мисол овард, ки шуъбаи дин ва танзими расму анъана дар вилояти Панҷро байтор роҳбарӣ мекунад.

«Охир дар ин шуъба бояд мутахассис кор кунад, ки аз фалсафаи дин ба хубӣ огоҳ бошад», - таъкид дошт Д.Гулмаҳмадов.

Тибқи мушоҳидаҳои ӯ, дар чанде аз ҷамоатҳои ноҳия мутахассисон бидуни маълумоти олӣ кор мекунанд. «Маълумоти котиби ҷамоат миёнаи техникӣ буда, сармутахассис аттестати маълумоти миёна дорад», - гуфт раиси вилоят ва савол дод, ки «Магар дар ноҳияи кадрҳои дорои маълумоти олӣ каманд?».