- Омодагии Комиссияи марказии интихобот ва раъйпурсӣ (КМИР)-и Тоҷикистон ба интихоботи парлумонӣ дар моҳи феврали соли ояндаро метавон «аъло» баҳогузорӣ кард, - иброз дошт дар мусоҳиба бо хабарнигори «Азия-Плюс» раиси Ҳизби демокртаи Тоҷикистон (ҲДТ) Саидҷаъфар Исмонов.

Ба гуфтаи ӯ, КМИР Тоҷикистон саривақт аҳзоби сиёсии кишварро бо дастурҳои нав, муқаррарот ва дигар асноди зарурии марбут ба интихобот таъмин намуд.

«Ба тамоми чорабиниҳо бахшида ба интихоботи қарибулвуқӯъ КМИР моро даъват намуда, худи кормандони КМИР тамоми аснодро ба дафтарҳои корӣ меоранд, ки қаблан ин гуна корбариро мо танҳо орзу мекардем», - қайд кард Исмонов.

Раиси ҲДТ ҳамчунин изҳори итминон кард, ки «сатҳи баланди корбариро, ки имрӯз КМИР пеша кардааст, то анҷоми расмии натиҷагирӣ аз интихобот боқӣ хоҳад монд».