Дар анҷумани рӯзи 18-уми декабри пешазинтихоботии Ҳизби аграрии Тоҷикистон (ҲАТ) тасмим гирифта шуд, ки ҲАТ аз ҳавзаи ягонаи умумиҷумҳуриявӣ тибқи рӯйхати ҳизбӣ 15 нафар номзадҳо ба вакилиро пешбарӣ мекунад.

Роҳбари дастгоҳи ҲАТ Муним Абдусамадов ба «Азия-Плюс» дар ин робита иттилоъ дод, ки дар садри рӯйхати ҳизбӣ раиси ҳизб, узви вобастаи Академияи муҳандисии Тоҷикистон Рустам Латифзода ва дар мақоми дуюм номзади улуми кишоварзӣ, муовини сардори Сарраёсати кишоварзии вилояти Суғд Мирзоанвар Аҳмедов қарор доранд.

Бино ба гуфти манбаъ, ба рӯйхати ҳизбии ҲАТ ноиби президенти Академияи улуми кишоварзии Тоҷикистон, академик Толиббек Бухориев, муовини директори шуъбаи илмии Донишкадаи иқтисоди аграрии Академияи мазкур, номзади улуми иқтисодӣ Маҳбуба Шоазизова, академики Академияи муҳандисӣ Муним Абдусамадов ва вакили палатаи поёнии парлумон Зайниддин Сафаров шомил гардидаанд.

«Дар рӯйхати ҳибии ҲАТ ҳамчунин доктори улуми кишоварзӣ Ҳикматулло Назиров, номзади улуми филологӣ Зулфия Мирзода, муовини раиси вилояти Суғд Аҳмад Қобилов, муовини раиси ноҳияи Ҷомии вилояти Хатлон Неъматулло Холмуродов, корманди илмии Академияи улуми кишоварзӣ Мавсума Абдуллоева, директори генералии ҶСП «ТГЭС» Нуралӣ Ниёзов, номзади улуми кишоварзӣ Абдукарим Файзуллоев, роҳбари шуъбаи нозироти тухмипарварии вилояти Хатлон Меҳнатулло Сироҷев ва номзади улуми кишовразӣ Абдуласан Мамадасанов низ ҳузур доранд», - афзуд номбурда.