Вазорати кишоварзии Тоҷикистон Барномаи рушди харгӯшпарварӣ дар ҷумҳуриро таҳия намуд.

Бино ба маълумоти Вазорати кишоварзии ҶТ, ин барномаи бо вазорату идораҳои дахлдори кишвар мувофиқа шуда, ҷиҳати баррасӣ ба ҳукумат ирсол шудааст.

Дар Вазорат бар ин назаранд, ки қабули барномаи мазкур ба рушди соҳаи харгӯшпарварӣ дар кишвар такони ҷиддӣ мебахшад.

Муовини вазири кишоварзии ҶТ Сиҷоуддин Исроилов гӯшти харгӯшро маҳсулоти пурарзиши парҳезӣ мешуморад. «Аммо барои мо пӯсти харгӯш бештар пуразиш аст, ки аз он метавон маҳсулоти гуногуни чарчинвориву (галантерея) пойафзоли сабук истеҳсол кард», - иброз дошт муовини вазири кишоварзӣ.

Номбурда ҳамчунин гуфт, Барномаи рушди харгӯшпарварӣ 18-умин барномаи соҳавист, ки аз ҷониби Вазорати кишоварзӣ таҳия шудааст.