Чанде пеш Бунгоҳи хабарии Ховари Миёна (Middle East News Agency), ки хабаргузории ҳукуматии Миср мебошад, мусоҳибаи сафири Тоҷикистон дар Қоҳира Хусрав Нозириро бо хабарнигори дипломатии бунгоҳ Шуҳрат Салоҳ Ориф мунташир кард.

Бино ба иттилои сафоратхонаи Тоҷикистон дар Миср, дар ин мусоҳиба дар посух ба пурсишҳои хабарнигор сафири кишвари мо пиромуни масъалаҳои густариши ҳамкорӣ байни Тоҷикистон ва Миср дар заминаҳои гуногун, аз ҷумла сиёсат, иқтисод, тиҷорат, сармоягузорӣ, гардишгарӣ ва масъалаҳои дигари байналмилалӣ изҳори назар намуд.

Гуфта мешавад, гузашта аз ин, дар мусоҳибаи мазкур изҳори умедворӣ шудааст, ки ҷониби мисрӣ дар Конфронси байналмилалии сатҳи баланд роҷеъ ба татбиқи Даҳсолаи байналмилалии амал “Об барои ҳаёт”, солҳои 2005-2015, ки дар Душанбе 9-11 баргузор мегардад, фаъолона иштирок хоҳад намуд.