Семоҳаи якуми соли 2015 73 ҳазору 685 нафар шаҳрвандони хориҷӣ ба Тоҷикистон ташриф оварданд, ки 63 ҳазору  320 нафарашон ҳамчун сайёҳ (турист) азми сафар кардаанд.

Тавре Наврӯз Қурбонов, мутхассиси пешбари бахши таҳлилу иттилооти Кумитаи ҷавонон, варзиш ва сайёҳии назди ҳукумати ҶТ дар ин робита хабар дод, дар давраи ҳисоботӣ аз ҳисоби 63 ҳазору  320 сайёҳи хориҷӣ ба иқтисодиёти мамлакат 31 млн. 660 ҳазор доллари амрикоӣ маблағ ворид гаштааст.

Ба гуфтаи ӯ, дар семоҳаи аввали соли 2014 ин нишондод 27 ҳазору 207 сайёҳи хориҷиро ташкил медод, ки аз ин ҳисоб ба иқтисодиёти мамлакат 13 млн. 603 ҳазору 500 доллари амрикоӣ маблағ ворид гардида буд.

«Таҳлилҳо нишон дод, ки шумораи сайёҳон дар семоҳаи аввали соли 2015 нисбат ба ҳамин давраи соли гузашта  36 ҳазору  113 нафар зиёд мебошад», - афзуд номбурда.