Дар мактаби №33-и Волгоград синфе кушода шуд, ки дар он забони русӣ барои ҳеҷ кадоме аз хонандагони он забони модарӣ ба шумор намеравад, зеро онҳо кӯдакони муҳоҷирон мебошанд, хабар медиҳад портали V1.ru.

Бино ба маълумоти нашрия, вақте ки пеш аз 1 сентябр маъмурияти мактаб огоҳ мешавад, ки дар якчанд синфҳо кӯдаконе ҳастанд, ки забони русиро намедонанд, тасмим мегирад, ки синфи махсуси “Ж” боз мекунад.

Гуфта мешавад, дар мактаб ҳамагӣ 14 нафар чунин кӯдакон будаанд ва ҳамаи онҳоро ба як гурӯҳ муттаҳид кардаанд.

“Бархе аз волидонашон ҳам бо забони русӣ ҳарф намезананд. Аз ин рӯ, лозим омад, ки ба онҳо кумак кунем, баъзеашон бо тарҷумон меомаданд”, - иброз доштаааст муовини директори мактаб Елена Елизарова.

Ӯ зикр кардааст, ки ҳамаи волидон ба таҳсили фарзандонашон бо забони русӣ таваҷҷуҳи зиёд доранд ва инро ҳатто бархӯрди онҳо ба паҳлӯи расмии таълим гувоҳӣ медиҳад.

Ёдрас мекунем, ки вакили Думаи давлатӣ Виталий Милонов пешниҳод намуд, ки таҳсили кӯдакони муҳоҷирон дар мактабҳои давлатии Русия манъ карда шавад.

Ба хориҷиёне, ки бо оилаҳояшон ба Русия омадаанд, ӯ пешниҳод кард, ки кӯдаконашонро ё ба муассисаҳои таълимии пулакӣ диҳанд ё онҳоро дар хона монанд.

Дар Telegram, Facebook, Instagram, OK ва ВК бо мо бимонед.