Душанбе. 4-уми май. ОИ «Азия-Плюс» - Борони сел чанде аз қитъаҳои роҳи мошингарди Душанбе-Қӯрғонтеппаро хароб кард.

Дар ҷамоати Оби Киики ноҳияи Хуросон 20 метр ва дар ноҳияи Балҷувон ҳудуди 150 метр қитъаи ин роҳи мошингард хароб гардида, ба ҳаракати нақлиёт монеъ эҷод кард. Ғайр аз ин, дар ҷамоати Кӯлчашма пули миёни маркази маъмурии ноҳия в деҳаи Лежак-Геш низ хисорот бардошт.

Шоми 2-юми май камбудиҳои роҳи мошингард бартараф гардида, ҳаракати нақлиёт барқарор карда шуд.