Душанбе. 25-уми апрел. ОИ «Азия-Плюс» - Аз 19-уми то 22-юми августи соли ҷорӣ дар шаҳри Данғара намоишгоҳ-ярмаркаи маҳсулоти саноатии вилояти Қошғари Чин баргузор мешавад.

Чӣ тавре ки аз Палатаи савдо ва саноати ҶТ ба ОИ «Азия-Плюс» хабар доданд, чорабинии мазкур аз ҷониби ПСС ҶТ ва мақомоти вилояти Қошғари Чин бо дастгирии ҳукумати ҷумҳурӣ созмон дода мешавад.

Ба иттилои манбаъ, дар намоишгоҳ анвоъи маҳсулоти гуногун, ба монанди сарулибос, техникаву таҷҳизоти маишӣ ва кишоварзӣ, асбобу лавозимоти хониш, маҳсулот барои кӯдакон, лавозимоти канселярӣ, масолеҳи сохтмон ва дигар маҳсулоти ниёзи мардум пешниҳод мегардад.