Душанбе. 25-уми апрел. ОИ «Азия-Плюс» - Дирӯз дар шаҳри Душанбе собиқ котиби Президиуми Шӯрои Олии ҶТ, аъзои фаъоли Ҳизби коммунисти Тоҷикистон Ибодат Раҳимова дар сини 86-солагӣ аз олам даргузашт.

Тӯли солҳои 50-80-уми асри гузашта Ибодат Раҳимова дар мансабҳои баланду масъули ҳизбӣ фаъолият карда, тамоми ҳаёти хешро ба хизмати мардум бахшида буд. Имрӯз дар шаҳри Душанбе маросими видоъ бо марҳум доир гардида, ҷасади ӯ дар қабристони Сариосиё ба хок супурда хоҳад шуд.