Пулиси Душанбе як сокини 33-солаи ноҳияи Нурободро бо гумони сӯиқасд ба куштор ва озору азияти муҳоҷирон дар Русия боздошт кардааст.
Раёсати ВКД дар Душанбе бо нашри ин хабар аз ӯ Расулҷон Расулов ном бурда, гуфтааст, ки дар шаҳри Сахалини Русия муҳоҷирони меҳнатии тоҷикро шиканҷа ва латукӯб мекардааст.
Ба гуфтаи манбаъ, ӯ аз ҷумла, се маротиба талош кардааст, ки як сокини ноҳияи Панҷро бо таппончаи осебрасон ба қатл расонад ва ба ҳамин мақсад тарафи ӯ тир кушодааст. Дар натиҷа тир ба ду тоҷики дигар расидааст ва онҳо ҷароҳатҳои ҷисмонӣ бардоштаанд.
Аммо манбаъ мушаххас нагуфтааст, ки пас аз тир хӯрдан худи сокини ноҳияи Панҷ осеб дидааст ва ё кушта шудааст.
Айни ҳол Дотситонии кули Тоҷикистон алайҳи Расулов бо гумони сӯиқасд ба куштор (моддаи 32 қисми 4 кодекси ҷиноӣ) ва одамкушӣ (моддаи 104 КҶ) парвандаи ҷиноӣ боз кардааст. Бар асоси ин ду иттиҳом ба ӯ аз 8 то 15 соли зиндон таҳдид мекунад.
Гуфта мешавад, ки ин нафар ҳоло дар ҳабси пешакӣ қарор дорад. Вале назари худи ӯ ва наздикону пайвандонаш дар робита ба ин қазия дастраси расонаҳо нашудааст.
Пулиси Душанбе гуфтааст, нафароне, ки мавриди озору азияти Расулов қарор гирифтаанд, метавонанд тавассути рақамҳои 222-90-90 ва 222-24-36 ба ин ниҳод муроҷиат кунанд.
Ёдовар мешавем, ки ин аввалин ҳодисаи боздошти як шаҳрванди Тоҷикистон барои озори ҳамвати худ дар Русия нест. Пештар низ вазорати корҳои дохилаи Тоҷикистон гуфт, дар ҳамкорӣ бо мақомоти дахлдори рус гурӯҳи мутташаккили ҷиноятиро ошкор кардааст, ки дар ҳудуди Русия ба гаравгонгирию таҳдид ва тороҷи муҳоҷирони кории тоҷик машғул будаанд.
ВКД гуфт, Муҳаммадҷон Маннонов ва Бобоқул Қориев аз ноҳияи Абдураҳмони Ҷомӣ, Сафаралӣ Қулматов аз ноҳияи Ёвон ва Комрон Забирзода аз шаҳри Ҳисор ба бо таҳдиду зӯрӣ аз 100 ҳазор то 2 миллион рубли русии муҳоҷирони кории тоҷикро ғорат кардаанд.
Нархи “утилизатсия” танҳо барои мошинҳои воридшаванда боло меравад
Рӯзи матбуоти тоҷик. Имсол ба 9 нафар ҷоизаи ба номи Лоҳутӣ тақдим гардид
Имтиёзҳои андозӣ ба корфармоҳое, ки шахсони дорои маъюбиятро ба кор мегиранд
Таътили баҳории хонандагони мактабҳо чанд рӯз давом мекунад?
Сироҷиддин Насриддинов – дипломат ва аввалин сафири Тоҷикистон дар Русия 85-сола шуд
ICB рушди футболи миллиро дастгирӣ мекунад
Тоҷикистон vs Ӯзбекистон. Чемпионат ва футболбозони ду кишвар чӣ қадар нарх доранд?
Имрӯз сокинони баъзе кӯчаву хиёбонҳои Душанбе то бегоҳ бебарқ мемонанд
Ҷаримаи 5 фурӯшанда барои боло бурдани нархи гӯшт дар Душанбе
Тоҷикистон ба гурӯҳи кишварҳои хавфи пасти ифротгароӣ дохил шуд
Кулли ахбор
Авторизуйтесь, пожалуйста