Филми "Хирсҳо"-и коргардони ҷавон Пайрав Шарифӣ ба Ҷашнвораи байналмиллалии филмҳои кӯтоҳи Маскав - «Short Shot Fest» роҳхат пайдо кард. Дар ин бора худи коргардони ҷавон ба “Азия-Плюс” хабар дод.

Номбурда гуфт, натиҷаи иштироки филми кутоҳи "Хирсҳо"  15-16 январ соли 2022 эълон хоҳад шуд.

Қаблан филми "Хирсҳо" дар ҷашнвораҳои байналмиллалии Русия, Туркия, Қазоқистон ва Канада иштирок намуда, дар номинаҳои гуногун сазовори ҷоиза гардидааст.

- Филми мазкур бархурди ду насл:- замони шӯравӣ ва истиқлолро фаро гирифта, дар Санк-Петербург рӯи навор омадааст. Сенарияи филм қисман аз ҳаёти воқеии худам аст. Воқеаеро, ки чанд сол қабл бо худам рух дода буд, бо якчанд ҳаводису саҳнаҳои дигар якҷо намуда, филмномаро таҳия кардам...,-мегӯяд Пайрав Шарифӣ.

Ба гуфтаи ӯ, дар муддати 6 моҳ филмро ба навор гирифта, нахустин бор 30 сентябри соли равон ба намоиш гузошта шуд.

Дар Telegram, Facebook, Instagram, OK ва ВК бо мо бимонед.

Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.