Вакили Думаи давлатӣ ва пешвои ҳизби «Справедливая Россия – За правду» Сергей Миронов аз ҳукумат даъват кардааст, ки додани шаҳрвандии Русия ба сокинони Тоҷикистон муваққатан манъ карда шавад. Дар ин бора дар сомонаи расмии ҳизб хабар дода мешавад.
Бо таваҷҷуҳ ба маълумоти омории чанде пеш нашршуда дар бораи шумори шахсони ба шаҳрвандии Русия дар соли 2021 соҳибшуда, ки дар он тоҷикистониён мавқеи дуюмро ишғол мекунанд, ӯ изҳор доштааст, ки дар масоили вуруди муҳоҷирон давлат бояд фавран таъсир расонида тавонад, то ки падидаҳои манфиро дар ин соҳа пешгирӣ кунад.
“Аз нисф зиёди ба шаҳрвандии Русия соҳибшудагон аз Донбасс мебошанд. Ин ҷо ҳамааш фаҳмост. Чизи дигар такондиҳанда аст: 14% ё худ 130 ҳазор “русиягиҳои нав” аз Тоҷикистон омадаанд. Ман мардуми ин кишварро хеле зиёд ҳурмат мекунам, лекин рӯирост мегӯем: акасрияти кулли тоҷикистониёни ба ин ҷо омада аз забону фарҳанг ва расму оинҳои мо хеле кам ё умуман огаҳӣ надоранд, ихтисоси баланд ё ҳатто миёна надоранд. Ба шаҳрвандии моро гирифтан онҳо бевосита манфиатдоранд, барои Русия аз ин чӣ фоида аст?”, - савол додааст сиёсатмадор.
Миронов зикр кардааст, ки маълумоти омории “русшавӣ”-и оммавии сокинони Тоҷикистон ба арзёбии миқёси фасод (коррупсия) дар воҳидҳои бахши муҳоҷирати ВКД имкон медиҳад.
Ба ақидаи ӯ, “ин ҷо сари миллиардҳо маблағ сухан меравад”.
“Ин як майдони ҳақиқии фасодзадагӣ аст, ки шаҳрвандии Русияро муҳр задаву кисаи ришвагиронро пур мекунад. Танҳо онҳо ба идомаи ин таҷрибаи нодуруст манфиатдоранд», - иброз доштааст вакили парлумони Русия.
Ӯ хотиррасон намудааст, ки айни замон дар Думаи давлатӣ лоиҳаи қонун “Дар бораи шаҳрвандии Федератсияи Русия” мавриди баррасӣ қарор дошта, фраксияи ҳизби «Справедливая Россия – За правду» рӯйи ворид намудани тағйироту иловаҳо ба он машғули кор аст.
“Ҳолатҳои мушаххасе ҷой доранд, ки давлат ба онҳо бояд фавран вокуниш нишон диҳад. Пешниҳод мекунам, ки масалан, то соли 2023 ба пешниҳоди шаҳрвандии Русия барои сокинони Тоҷикистон моратория ҷорӣ карда шавад. Дар ин давра ҳолатҳои пешинаи додани шаҳрвандии Русия ба шахсони аз ин кишвар омада бояд мавриди омӯзишу таҳлил қарор гирад. Агар гирифтани шаҳрвандӣ бо қонуншиканиҳо сурат гирифта бошад, онро бекор мекунанд - чунин имкон дар қонуни нав пешбинӣ шудааст. Ва албатта, мансабдоронеро, ки дар ин бесарусомнӣ даст доранд, зиндонӣ мебояд кард”, - илова намудааст Сергей Миронов.
Ёдрас мекунем, ки мувофиқи маълумоти ВКД Русия, соли 2021 шумори рекордии тоҷикистониён - 103 ҳазору 681 нафар шаҳрвандии Русияро гирифтаанд. Агар теъдоди шаҳрвандони Тоҷикистон, ки шаҳрвандии Русияро гирифтаанд, ба соли тақвимӣ тақсим шавад, ҳамарӯза ба ҳисоби миёна 288 тоҷикистонӣ шаҳрванди Русия шудаанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Полиция в России получит право свободно заходить в дома мигрантов
Таджикских арбитров на международных матчах станет больше
От Хорога до Мальдив: с кем Таджикистан открыл пути в 2024 году?
Искусственный интеллект изучают уже в 10 школах Таджикистана
В Турции потребовали до 15 лет тюрьмы причастным к теракту в «Крокусе»
Принявший ислам ветеран армии США, был в Афганистане. Что известно о подозреваемом в теракте в Новом Орлеане?
Таджикистанцы едут в Суперлигу Узбекистана: наших там становится больше
Будет ли война в Украине остановлена в 2025 году?
Салом алейкум, Таджикистан! Анонсы событий, день в истории, прогноз погоды на 3 января 2025 года
Декабрь 2024 года: Убийства в Канибадаме, делимитированная таджикско-кыргызская граница и многообещающее послание президента
Все новости
Авторизуйтесь, пожалуйста