Шӯрои ҷамъиятии назди Сафорати Тоҷикистон дар Русия барои муайян кардани беҳтарин донишҷӯи соли 2023 озмуни “Донишҷӯи сол – 2023” доир мекунад.

Озмун миёни донишҷӯёни тоҷики муассисаҳои таҳсилоти олӣ ва миёнаи касбии Русия баргузор мешавад.

Ба иттилои Шӯрои ҷамъиятии назди Сафорати Тоҷикистон дар Русия ҳадафи баргузории ин озмун дарёфти чеҳраҳои наву ҷавонони лаёқатманд, муаррифӣ ва муттаҳид кардани ҷавонони соҳибистеъдод дар хориҷи давлат, баланд бардоштани ҳисси ватандӯстӣ ва ифтихори миллӣ дар байни донишҷӯён мебошад.

Дар озмун шаҳрвандони Тоҷикистон, ки дар муассисаҳои таҳсилоти олии Русия, дар гурӯҳи рӯзона таҳсил менамоянд иштирок карда метавонанд.

Донишҷӯёне, ки дар соли аввал таҳсил менамоянд, бо назардошти ҷамъбаст нагардидани соли аввали таҳсил имконияти иштирок дар озмунро надоранд.

Бояд гуфт, ки донишҷӯёни тоҷик то рӯзи 30-юми декабри соли 2023, соати 18:00 метавонанд номзадии худро  тавассути пайванди зерин пешбарӣ кунанд: https://forms.gle/AEsoRjnijQXBNhER8

Нусхаи ҳуҷҷатҳои иловагиро тариқи суроғаи электронӣ  tojikon.pressa@list.ru  ирсол намоянд.

Телефон барои тамос: +79264626201

Дар Telegram, Facebook, Instagram, OK ва ВК бо мо бимонед.