Мақомоти Русия “рӯйхати шахсони таҳти назорат”-ро нашр кард. Дар он номи зиёда аз 120 ҳазор шаҳрванди Тоҷикистон, ки дар вайрон кардани қонунгузории муҳоҷират гумонбар мешаванд, зикр шудааст.

Ин рӯйхат дар доираи низоми нави ихроҷ, ки аз 5-уми феврали соли 2025 татбиқ мегардад, таҳия шудааст.

Баъди нашри ин рӯйхат Вазорати меҳнат, муҳоҷират ва шуғли аҳолии Тоҷикистон ба шаҳрвандони кишвар тавсия дод, ки номи худро дар ин рӯйхат санҷанд, то аз мушкили эҳтимолӣ канорагирӣ кунанд. 

Рӯйхати мазкур дар сомонаҳои Вазорати меҳнат муҳоҷират ва шуғли аҳолӣ, Хадамоти муҳоҷират ва Вазорати корҳои дохилӣ ҷойгир шудааст. Онҳое, ки мехоҳанд будан ё набудани номи худро дар феҳристи тартибдодаи ВКД-и Русия фаҳманд, метавонанд аз сомонаҳои мазкур ё аз Telegram-боти “Азия-Плюс” - @apnamecheck_bot истифода кунанд.

 

“Чӣ бояд кард, агар номи ман дар рӯйхат бошад?”

Ҳамчунин, Вазорати меҳнат, муҳоҷират ва шуғли аҳолии Тоҷикистон барои шаҳрвандони дар рӯйхат қарордошта дастуралмал тартиб додааст.

Тибқи ин дастурамал, шаҳрвандоне, ки дар рӯйхат қарор доранд, бояд то 5-уми феврали соли 2025 ба мақомоти дахлдори муҳоҷирати Русия муроҷиат намуда, худро ба қайди қонунӣ гиранд ё қаламрави ин давлатро тарк намоянд. Дар сурати дар муҳлати муайяншуда ба қайди қонунӣ нагирифтан, шаҳрванд ба таври худкор ба рӯйхати шахсони ихроҷшаванда ворид гардида, ҳуқуқи рафтан ба ин давлатро аз даст медиҳад.

Агар шумо дар рӯйхати мазкур қарор дореду аллакай Русияро бо хоҳиши худ тарк кардаед, ихроҷ шудаед ё дар қаламрави Тоҷикистон ё дигар давлат қарор доред ва мехоҳед номатонро аз ин рӯйхат берун кунед, метавонед нусхаи шиносномаи хориҷии худро бо нишон додани муҳри убури сарҳад ба мақомоти муҳоҷирати ҷойи зисти худ дар шаҳру ноҳияҳои ҷумҳурӣ пешниҳод намоед.

Агар шумо шаҳрвандии ҳам Тоҷикистон ва ҳам Россияро дошта бошед ё дар ҳудуди Русия қонунӣ фаъолияти меҳнатӣ менамоед, вале бо вуҷуди ин дар рӯйхат қарор доред, ҳатман нусхаи шиносномаи худро ба Намояндагии Вазорати меҳнат, муҳоҷират ва шуғли аҳолии Тоҷикистон дар Русия пешниҳод намоед.

Шаҳрвандоне, ки дар қаламрави Русия қарор доранд, метавонанд ба Намояндагии Вазорати меҳнат, муҳоҷират ва шуғли аҳолии Тоҷикистон дар Русия тавассути телефонҳои зерин муроҷиат намоянд:

Намояндагии Вазорати меҳнат, муҳоҷират ва шуғли аҳолии Тоҷикистон дар Русия:

Минтақаи марказӣ (вилояти Москва)

1. Азимӣ Дилрабо Амирқул + 7 (495) 967-98-44 prmstj@mail.ru 

2, Вализода Назаралӣ Нуралӣ +7 (967) 271-02-02 prmstj@mail.ru 

3. Холназаров Ромиш Имомназарович +7 (929) 540-88-88 prmstj@mail.ru 

4. Зарифов Бахтиёр Тугайевич +7 (495) 967-98-44 .prmstj@mail.ru 

5. Дӯстов Комрон Сайдаҳмадович+7 (988) 676-00-00 prmstj@mail.ru 

6. Амирхонзода Субҳон Баҳрон +7 (966) 031-22-22 prmstj@mail.ru 

7. Холов Довар Мирзоёрович +7 (936) 174-19-92 prmstj@mail.ru 

Минтақаи Урал, минтақаи Сибир

Юсуфалиев Баҳром Равшанхонович+7(929) 388-54-11 bahrom.yusufaliev1972@mail.ru 

Минтақаи Приволжск

Қурбонализода Зафар Қурбоналӣ +7 (926) 311-52-53 zafarmuhojirat@mail.ru 

Минтақаи шимолу ғарбӣ (Санкт-Петербург)

Ҷонмаҳмадов Фурӯзон Фархудинович

+7 (977) 963-25-69 jonmahmadovfuruzon@gmail.com 

Минтақаи ҷанубӣ (Краснодар)

Мирзозода Хуршед Насриддин +7 (996) 120-77-77 hursedm129@gmail.com 

Дар Telegram, Facebook ва Instagram бо мо бимонед.