Тоҷикистон дар қаҳрамонии ҷудои Осиё бо тими 18-нафарӣ иштирок мекунад. Дар ин бора Нурулло Лоиқов, президенти федератсияи ҷудои Тоҷикистон ба "Азия-Плюс" хабар дод. 

Ба гуфтаи Нурулло Лоиқов ба ин тим 11 варзишгар ва боқӣ мураббиёну дастандаркорони дигар шомил хоҳанд буд. 

Қаҳрамонии ҷудои Осиё имсол дар шаҳри Бишкеки Қирғизистон рӯзҳои 6-9 апрел баргузор мешавад.

Аз Тоҷикистон дар сабқати мардон Шаҳбоз Саидаброров (-60кг), Сомон Маҳмадбеков (-73), Акмал Муродов ва Ҳақназар Назаров (-81) Комроншоҳ Устопирён ва Ҷаҳонгир Маҷидов (-90кг),  Темур Раҳимов ва хуршед Маҷидов ҳарду дар вазни +100  ширкат мекунанд.

Дастаи бонувони Тоҷикистон иборат аз  Аҳлия Муминова,  Фазилат Гулбоева  дар вазни (-52 кг) ва Шукрона Қарчиева, дар вазни (-48 кг) аст. 

Қаҳрамонии ҷудои Осиё имсол дар Бишкек бо ширкати 500 варзишгар аз 30 давлати дунё сурат мегирад.

Аз Тоҷикистон танҳо Комроншоҳ Устопириён ҷудокори шинохтаи тоҷик, дар таърихи ҷудои кишвар тавонистааст, ки ду бор қаҳрамони Осиё шавад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.