Имрӯз, 13-уми ноябр, Аслам Додихудоев, яке аз рӯзноманигорони собиқадори тоҷик, собиқ сармуҳаррири барномаи “Ахбор”-и Телевизиони Тоҷикистон ва роҳбари давтари матбуоти Бонки миллии Тоҷикистон дар синни 77-солагӣ аз дунё гузашт.
Дар ин бора ба “Азия-Плюс” Хилватшоҳи Маҳмуд, рӯзноманигори тоҷик ва яке аз дӯстони марҳум хабар дод.
Ӯ гуфт, Аслам Додихудоев имрӯз дар беморхонаи маъруф ба “Медгородок” аз олам даргузашт ва маросими ҷанозаи ӯ пагоҳ, 14-уми ноябр, дар масҷиди Яккачинор баргузор мешавад.
Бояд гуфт, Аслам Додихудоев яке аз рӯзноманигорони собиқадори тоҷик буд, ки беш аз 50 соли умри пурбаракати худро ба ин соҳа бахшидааст.
Асламшо (Раҳматшо) Додихудоев соли 1946 дар деҳаи Жовиди ноҳияи Ванҷи Вилояти Мухтори Кӯҳистони Бадахшон таваллуд шуда, баъди хатми синфи 7 таҳсилро дар Донишкадаи ҳунаромӯзии №11-и шаҳраки Чиптураи ноҳияи Ҳисор давом дод ва онро соли 1964 хатм намуд.
Соли 1965 ба Шӯъбаи шабонаи факултаи филологияи тоҷики Донишгоҳи давлатии Тоҷикистон дохил шуда, баробари таҳсил ба фаъолияти меҳнатӣ низ машғул буд.
Аввал сохтмончӣ, челонгари заводи автомобилтаъмиркунӣ, муаллим, аз соли 1967 корманди рӯзномаи “Комсомоли Тоҷикистон” ва аз соли 1969 то соли 1992 дар Кумитаи телевизиону радиои ҷумҳурӣ ба сифати муҳаррири барномаҳои мусиқии радио, муҳаррир, муҳаррири калон, мудири шӯъба, муовини сармуҳаррир, сармуҳаррири барномаи “Ахбор”-и телевизион шуда кор кард.
Бо ташаббуси ӯ дар телевизион барномаҳои “Ҳафта” (то имрӯз давом дорад) ва барномаи хеле машҳури “Негатив” ба тамошобинони ҷумҳурӣ пешкаш гардиданд.
Соли 1992-1993 дар Кабинети Вазирони Ҷумҳурии Тоҷикистон ба ҳайси мутахассиси калон фаъолият намудааст.
Солҳои 1993-1995 мухбири ширкати телевизиони байнидавлатии “Мир” ва аз соли 1995 то даҳаи асри нав сардори Маркази матбуоти Бонки миллии Тоҷикистон ва сардабири маҷаллаи “Ахбори бонки миллии Тоҷикистон” шуда кор мекард.
Соли 1990 ба гирифтани унвони фахрии “Журналисти хизматнишондодаи Тоҷикистон" ноил шудааст.
Аслам Додихудоев аъзои Раёсати ИЖТ буд.
Аҳли кормандони Гуруҳи расонаҳои “Азия-Плюс” аз даргузашти ҳамкасби хеш Аслам Додихудоев андӯҳгин буда, ба наздикону пайвандони ӯ ҳамдардӣ ва сабри ҷамил мехоҳанд.
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Кулли ахбор
Авторизуйтесь, пожалуйста