Ҳамасола 22-юми сентябр дар Тоҷикистон Рӯзи бузургдошти сардафтари адабиёти классики тоҷику форс, одамушшуаро Абӯабдуллоҳ Рӯдакӣ таҷлил карда мешавад. “Азия-Плюс” ба ин муносибат расми муҷассамаҳои саромади шеър ва шоирони тоҷику форс, ки ба хотири гиромидошташ дар Тоҷикистон ва чанде аз кишварҳои ҷаҳон гузошта шудааст, гирд овард.
Пайкараҳои одамушшуаро дар шаҳру навоҳии гуногуни Тоҷикистон қомат афрохтааст. Ба вижа, дар пойтахти кишвар дастикам 4 пайкараи барқади устод Рӯдакӣ дар Боғи Рӯдакӣ, Боғи парчами давлатӣ, майдони Рӯдакӣ ва дар девораи Иттифоқи нависандагони Тоҷикистон гузошта шудааст.
Нимпайкараҳои устод Рӯдакиро бошад, дар назди Китобхонаи миллии Тоҷикистон, Осорхонаи Беҳзод ва дигар муассисаҳои илмуву адабӣ ниҳодаанд.
Дар шаҳрҳои Бохтар, Хуҷанд, Истаравшан, Панҷакент, Исфара ва дигар гӯшаҳои Тоҷикистон муҷассамаву нимпайкараҳои Абӯабдуллоҳ Рӯдакӣ қомат афрохтаанд.
Барои гиромидошти ному ёди шоири бузурги тоҷику форс дар кишварҳои дигари ҳамзабон ва ҳамсоя, сар аз Эрон то Ӯзбекистону Қазоқистон ва Чин муҷассамаву нимпайкараҳои Абӯабдуллоҳ Рӯдакӣ гузошта шудаанд.
Бояд гуфт, ки номи Абӯабдуллоҳ Рӯдакӣ ҳамчун қофиласолори адабиёт, ҳамчун шоири бузург ва одамушшуаро дар нахустсафҳаи таърихи адабиёти тоҷик бо ҳарфҳои заррин ва ҷовидонӣ сабт шудааст.
Ёдовар мешавем, ки соли 2008 бо пешниҳоди Эмломалӣ Раҳмон, раисиҷумҳури Тоҷикистон аз тарафи ЮНЕСКО 1150 - солагии падари шеъри форсии тоҷикӣ дар шаҳрҳои Душанбе, Маскав, Ню-Йорк, Берлин ва кишварҳои Эрон, Афғонистон ва Туркия ботантана таҷлил ва дар ин замина конфронсу нишастҳои илмӣ баргузор гардиданд.
Абӯабдуллоҳ Рӯдакӣ соли 858 дар деҳаи Панҷрӯди шаҳри Панҷакент чашм ба олами ҳастӣ боз карда, соли 941 дар зодгоҳаш аз олам даргузашт. Мавсуф дар дарбори Сомониён хидмат намуда, пойдевори шеъри тоҷику форсро бино сохт. Баъд давраи пиронсолагияшро дар зодгоҳаш ба сар бурд ва ҳамон ҷо даргузашт.
Турбати ӯ ҳоло дар деҳаи Панҷрӯди шаҳри Панҷакент қарор дорад ва зиёратгоҳи ҳазорон фарҳангиёну сайёҳони олам гаштааст.
Аз "Муҷассамаи ишқ"-у "Дар орзуи падар" то "Дов". 10 филми ҳунарии беҳтарини тоҷик, ки бояд тамошо кард
Аз ҷой барнахостани намояндаҳои Толибон ҳангоми пахши сурудҳои миллии Эрону Покистон баҳсбарангез шуд
Либосу борхалта, куртаҳо ва матоъи миллӣ. Фестивали атласу адрас дар Душанбе
Як мард барои куштори зани ҳомилааш 25 сол равонаи зиндон шуд
“Груз-200” аз Украина. Ҷасади ду тоҷики дигарро ба Ватан оварданд
Баррасии ҳифзи ҳуқуқи муҳоҷирон ва истирдоди ҷинояткорон. Мулоқоти Игор Краснов бо Юсуф Раҳмон
Тоҷикистон истеҳсоли биринҷро зиёд кардааст, вале ҳоло ба содироти он омода нест
“Аудиокитоб” бо Субҳон Ҷалилов. Маснавии маънавӣ. Ҳикояи "Болотарин кайфари гуноҳ"
Дар КҲФ сабабҳои тез-тез сабт шудани заминларзаро дар ВМКБ шарҳ доданд
Театрҳои кишвар бо кадом намоишнома мавсими нави театриро оғоз мекунанд?
Кулли ахбор
Авторизуйтесь, пожалуйста