Як рӯзи таърих – 7 декабр

Соли 2001 - Пас аз танаффуси тӯлонӣ хатсайри роҳи оҳан байни Тоҷикистон ва Русия аз сар гирифта шуд.

Соли 2005 - Бо ширкати 54 президент ва сарони ҳукуматҳои олам, аз ҷумла Тоҷикистон дар шаҳри Маккаи Арабистони Саудӣ иҷлосияи фавқулодаи Созмони Конфронси Исломӣ баргузор гардид.

Соли 2015 - Дар ВМКБ заминларзаи 7-8 баллӣ рух дод, ки марказаш ноҳияи Мурғоби ВМКБ буда, 500 хона хароб ва 13 нафар захмӣ шуданд.

Соли 2009 – Аввалин маротиба хатсайри нави “Душанбе-Оренбург-Душанбе” ба роҳ монда шуд.

Соли 2009 - Дар шаҳри Душанбе рӯнамоии филми ҳуҷҷатии “Тоҷикистон -муқобили маводи мухаддир” баргузор гардид.

Соли 2010 - «Газпромзарубежнефтегаз» ба пармакунии чоҳи аввали ҷустуҷӯӣ дар майдони Сарикамыш, воқеъ дар ноҳияи Шаҳринав, Тоҷикистон оғоз намуд."

Соли 2011 - Дар идораи Минтақаи озоди  иқтисодии “Суғд” ду корхонаи дигар – ҶММ “Зарафшон” ва ҶММ “Равзана Пластик” сабт шуд.

Соли 2014 – Ноиби якуми вақти сарвазири Тоҷикистон Давлаталӣ Саид, вазирони энергетикаи Қирғизистон, Афғонистон ва Покистон созишномаеро оид ба татбиқи лоиҳаи CASA-1000 имзо карданд, ки интиқоли нерӯи барқро аз Тоҷикистон ва Қирғизистон дар давраи тобистон ба Афғонистон ва Покистон таъмин менамояд.

Соли 2018 - Дар Душанбе машваратҳо байни вазоратҳои корҳои хориҷии Тоҷикистон ва Ӯзбекистон баргузор шуданд.

 

Шахсиятҳо

Соли 1924 – зодрӯзи Тӯйдӣ Бобиева, ҳунарпешаи театр

Соли 1936 – Разиюлло Атохонов, риёзидон ва равоншиноси тоҷик, доктори илмҳои равоншиносӣ

Соли 2006 – Дилбар Қосимова, ҳунарпешаи синамои тоҷик дар синни 70-солагӣ аз олам даргузашт

7 декабр дар Тоҷикистон Рӯзи кормандони мақомоти молия таҷлил мешавад.

7 декабр Рӯзи байналмилалии авиатсияи гражданӣ аст. Дар Тоҷикистон рӯзи авиатсияи гражданӣ сеюми сентябр ҷашн гирифта мешавад. Маҳз дар ҳамин рӯзи соли 1924 ҳавопаймои Ю-13 тариқи хатсайри Бухоро-Душанбе парвоз кард ва ин сана дар рушди авиатсияи граждании Тоҷикистон калидӣ гардид.

 

Вазъи обу ҳаво барои 7 декабр

Дар вилояти Суғд - Ҳавои тағйирёбандаи бебориш пешгӯӣ шуда, дар баъзе ноҳияҳо тормеғ мефарояд. Ҳарорати ҳаво дар водиҳо шабона -4+1º, рӯзона 1+6º гарм, дар ноҳияҳои кӯҳӣ шабона 8-13º хунук, рӯзона 0-5º хунук мешавад.

Дар вилояти Хатлон – Ҳавои тағйирёбанда, шабона бебориш пешгӯӣ шуда, рӯзона дар баъзе ноҳияҳо боришот (борон, барф) ба амал омада, тормеғ мефарояд. Ҳарорати ҳаво дар водиҳо шабона -1+4º, рӯзона 5+10º гарм, дар доманакӯҳҳо шабона 0-5º хунук, рӯзона 0+5º гарм мешавад.

Дар шаҳру ноҳияҳои тобеъи ҷумҳурӣ - Ҳавои тағйирёбанда, шабона бебориш пешгӯӣ шуда, рӯзона дар баъзе ноҳияҳо боришоти суст (борон, барф) ба амал омада, тормеғ мефарояд. Ҳарорати ҳаво дар водиҳо шабона -2+3º, рӯзона 2+7º гарм, дар ноҳияҳои кӯҳӣ шабона 2-7º хунук, дар баъзе ноҳияҳо то 12-14º хунук, рӯзона 0+5º гарм, дар баъзе ноҳияҳо то 3-5º хунук мешавад.

Дар Вилояти Мухтори Кӯҳистони Бадахшон - Ҳавои тағйирёбандаи бебориш пешгӯӣ мешавад. Ҳарорати ҳаво дар ғарби вилоят шабона 10-15º хунук, дар баъзе ноҳияҳо то 2-4º хунук, рӯзона 1-6º хунук, дар баъзе ноҳияҳо то 3+5º гарм, дар шарқи вилоят шабона 27-32º хунук, дар баъзе минтақаҳо то  38-40º хунук, рӯзона 11-16º хунук мешавад.

Дар шаҳри Душанбе - Ҳавои тағйирёбанда, шабона бебориш пешгӯӣ шуда, рӯзона боришоти суст (борон, барф) ба амал омада, тормеғ мефарояд. Ҳарорати ҳаво шабона -1+1º, рӯзона 4+6º гарм мешавад.

Дар шаҳри Хуҷанд - Ҳавои тағйирёбандаи бебориш пешгӯӣ шуда, тормеғ мефарояд.  Ҳарорати ҳаво шабона 0-2º хунук, рӯзона 4+6º гарм мешавад.

Дар шаҳри Бохтар – Ҳавои тағйирёбанда, асосан бебориш (0,0-0,5мм) пешгӯӣ шуда, тормеғ мефарояд.  Ҳарорати ҳаво шабона 0+2º гарм, рӯзона 7+9º гарм мешавад.

Дар шаҳри Хоруғ - Ҳавои тағйирёбандаи бебориш пешгӯӣ мешавад. Ҳарорати ҳаво шабона 10-12º хунук, рӯзона 1-3º хунук мешавад.

Дар Telegram, Facebook ва Instagram бо мо бимонед.