Директори намояндагии Бонки авруосиёии рушд (БАОР) дар Тоҷикистон Николай Никулин ва намояндаи ваколатдори Фонди авруосиёии субот ва рушд (ФАОСР) Масрур Назриев бо намояндаи савдои Русия дар Тоҷикистон Евгений Коренков вохӯрии корӣ гузарониданд, хабар медиҳад дафтари матбуоти БАОР.

Коренков ба БАОР пешниҳод намуд, ки дар лоиҳаҳои бузурги зерсохторӣ, ки дар онҳо таҳвили таҷҳизоти технологияи пешрафта барои соҳаҳои гуногуни иқтисоди Тоҷикистон ва бахши тандурустӣ пешбинӣ шудааст, иштирок кунад.

Намояндаи тиҷоратии Русия дар Тоҷикистон Евгений Коренков
Сурат: userapi.com

“БАОР ба оғози баррасии масъалаи иштирок дар лоиҳаҳои бештар муҳими сармоягузорӣ, ки ба рушд ва таҳкими имконоти иқтисодииТоҷикистон ва ҳамкории кишвар бо Русия мусоидат мекунанд, омода аст”, - гуфт Никулин.

Зимни вохӯрӣ ҷараёни иҷрои қарорҳои ҷаласаи 17-уми Комиссияи байниҳукуматии Тоҷикистону Русия оид ба ҳамкории иқтисодӣ, ки моҳи январи соли 2021 дар Маскав доир гардид, низ баррасӣ шуд.

Масрур Назриев, Евгений Коренков ва Николай Никулин
Сурат: Намояндагии савдои Русия дар Тоҷикистон

Қобили зикр аст, ки дар семоҳаи аввали соли равон Русия бори нахуст тайи даҳсолаҳои ахир дар зинаи аввал байни шарикони асосии тиҷоратии Тоҷикистон қарор нагирифт.

Ҳаҷми умумии гардиши савдо байни Тоҷикистону Русия 223 млн долларро ташкил дод, ки 14% камтар нисбат ба семоҳаи аввали соли 2020 мебошад.

Дар савдои дуҷониба бо Тоҷикистон Швейтсария ва Қазоқистон аз Русия пеш гузаштанд.

Николай Никулин аввали ҳамин моҳ ба иҷрои вазифаҳои директори намяондагии БАОР дар Душанбе оғоз намуд.

Ӯ Рашид Қодировро иваз намуд, ки дар ин вазифа қариб 8 сол фаъолият дошт.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.