Душанбе. 3-уми июл. ОИ «Азия-Плюс» - Субҳи имрӯз дар километри 30-юми роҳи мошингарди Душанбе - Қӯрғонтеппа садамаи автомобилӣ рух дод, ки бар асари он ҳамаи аъзои оила ба ҳалокат расиданд.

Аз Раёсати Бозрасии давлатии автомобилии Вазорати корҳои дохилии ҶТ ба ОИ «Азия-Плюс» хабар доданд, ки сардори шӯъбаи 2-юми Раёсати фаврӣ ва ҷустуҷӯии Агентии назорати маводи нашъаовари назди президенти ҶТ Сафармурод Бобоев аз ӯҳдаи идораи мошини хизматиаш «Нива-Шевроле» набаромада, ба садама дучор шудааст.

«Мошин аз ҷарӣ парида, ба чуқурӣ сарозер рафтааст. Бар асари он С.Бобоев ва ҳамсари ӯ дар ҷои ҳодиса ҳалок гашта, писарашон ҷароҳатҳои вазнин бардоштааст ва айни замон дар беморхона, дар шӯъбаи эҳё қарор дорад.

Дар бораи ҷузъиёти дигари ҳодиса алҳол хабар дода нашудааст.