Эмомалӣ Раҳмон, раисиҷумҳури Тоҷикистон ба хонаводаҳои захмиёну фавтидагони садамаи фоҷеабори шаҳри Кӯлоб кӯмакпулӣ равон кардааст. Дар ин бора Орзу Ҳамидиён, муовини шаҳрдори Кӯлоб ба “Азия-Плюс” иттилоъ дод.
Ба гуфтаи ӯ, Эмомалӣ Раҳмон ба 9 нафаре, ки дар пайи садамаи мошини боркаши “Дулан” воситаҳои нақлиёташон хароб гардид, мошинҳои ҳамсони нав ҳадя кардааст.
“Ба замми ин, аз ҷониби раисиҷумҳур ба оилаи 11 нафар фавтидагон 20 ҳазор сомонӣ ва ба оилаи 12 нафари дигар захмиён 7 ҳазор сомонӣ кӯмакпулӣ дода шуд”, - гуфт ҳамсӯҳбати мо.
Орзу Ҳамидиён афзуд, ки инчунин ба оилаи ҳама 23 нафар захмиёну фавтидагон аз ҷониби Эмомалӣ Раҳмон ба маблағи 5 ҳазор сомонӣ маводи хӯрока супорида шуд.
Гуфта мешавад, дар пайи ин фоҷеаи шаҳри Кӯлоб бо супориши Эмомалӣ Раҳмон аз буҷаи ҳукумати ҷумҳурӣ 100 ҳазор сомонӣ ва аз буҷаи ҳукуматҳои вилояти Хатлон ва шаҳри Кӯлоб маҷмаан 185 ҳазор сомонӣ ҷудо гардида ва ин ҳама кӯмакҳо аз ҳисоби ин маблағ расонида шудааст.
Қаблан Рамазон Раҳимзода, вазири корҳои дохилӣ ва Саймумин Ятимов, раиси КДАМ-и Тоҷикистон ба назди зарардидагони садамаи нақлиётии Кӯлоб рафта, ба онҳо кӯмакҳои пулӣ дода буданд.
Дар ин баробар, ҳукумати шаҳри Кӯлоб ваъда додааст, ки ба соҳибони се хонае, ки дар пайи садамаи нақлиётии мошини боркаши “Дулан” хароб шуданд, хонаҳои нав бунёд карда медиҳад.
Гуфтан ба манрид аст, ки дирӯз, 8-уми авгуфт, аз КҲФ-и Тоҷикистон ба “Азия-Плюс” хабар доданд, ки ҳоло барои бунёди се хонаи дар пайи ин ҳодисаи нақлиётӣ харобгардида дар шаҳри Кӯлоб заминҳои мувофиқ ҷудо шудаааст.
Ёдовар мешавем, ки дар пайи садамаи нақлиётии мошини боркаши “Дулан”, ки шоми 6-уми август дар назди бозори “Сомониён”-и шаҳри Кӯлоб рух дод, 11 нафар ҷон бохта, 7 мошин аз кор баромада ва 3 хона валангор шудаанд. Гузориши муфассали моро дар ин ҷо бихонед.
Русия дар Тоҷикистон истеҳсоли дорувориро ба роҳ монданист
Арзиши эстакада дар Душанбе қариб ба 28,5 млн евро баробар аст
Рустами Эмомалӣ дар робита ба ҳалокати Саидиброҳим Раисӣ ба ҳамтои эронии худ барқияи таслият ирсол кард
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Эмомалӣ Раҳмон дар робита ба ҳалокати Саидиброҳим Раисӣ ва ҳайати ҳамроҳаш изҳори ҳамдардӣ кард
Тайи 10 сол Чин ба иқтисоди Тоҷикистон 3,8 млрд доллар сармоягузорӣ кард
Хисороти боришоти шадиди рӯзҳои ахир дар кишвар
Тотористон ронандагон ва муҳандисони тоҷикро ба кор ҷалб кардан мехоҳад
Хадамоти алоқа: ширкатҳои мобилӣ дар се моҳ беш аз 1 млрд сомонӣ даромад ба даст овардаанд
Иброҳим Раисӣ ва ҳамроҳонаш ба ҳалокат расидаанд. Ноиби раиси ҷумҳури Эрон ин хабарро расман тасдиқ кард
Кулли ахбор
Авторизуйтесь, пожалуйста