Санаи 3-юми июни соли ҷорӣ сокинони сайёра шоҳиди дар як саф қарор гирифтани сайёраҳо хоҳанд шуд. Дар ин бора сомонаи Starwalknews хабар додааст.
Ҳусейн Асоев, ходими илмии Донишкадаи нуҷумшиносии Тоҷикистон дар сӯҳбат бо “Азия‑Плюс” гуфт, ки ин ҳодисаро дар Тоҷикистон маъмулан замони тулуъи офтоб метавон мушоҳида кард.
“Дар як қатор саф кашидани 4 сайра - Муштарӣ, Уторид, Миррих ва Зуҳалро бидуни дурбини астрономӣ дидан мумкин мумкин аст. Инчунин, сайёраи Уранро, ки ба Уторид наздик аст ва Нептунро, ки ба Зуҳал наздик аст, тавассути дурбини астрономӣ дидан мумкин аст”, - гуфт Ҳусейн Асоев.
Ӯ таъкид кард, ки ин ҳодисаи маъмулии табиӣ аст ва онро аз ҳамаи кунҷи сайёраи Замин дидан мумкин аст.
Ин ҳодиса ба иқлим ва инсон таъсир мерасонад?
Таъсири ин падида ба инсон аз тарафи олимони соҳа ба қадри кофӣ омӯхта нашудааст. Баъзе аз нуҷумшиносон иддао мекунанд, ки он ба ҷисму саломатии баъзе одамон метавонад таъсири манфӣ расонад.
“Аз ҷиҳати илмӣ ин ҳодиса ба фаъолияти Замин ва Офтоб таъсир мерасонад ва метавонад боиси тағйирёбии иқлим гардад. Агар ду сайёра аз ду тараф ё як тарафи Офтоб ҷойгир шаванд, дар ин ҳолат гармии Офтоб бештар шуда, имкони бориши боронҳои магнитӣ зиёд мегардад ва ин ҳолат ба саломатии инсон таъсири манфӣ мерасонад”,‑ гуфт Ҳусейн Асоев.
Сафкашии сайёраҳо чист?
Сафкашии сайёраҳо истилоҳи астрономӣ буда, маънои дар як қатор саф кашидани сайёраҳоро дорад. Ин падидаро ба таври ғайрирасмӣ “ҳамбастагии сайёраҳо” низ мегӯянд.
Сафкашии панҷ сайёра ё бештар аз он падидаи нодир ҳисобида мешавад.
Ба иттилои Starwalknews то охири соли оянда дар маҷмӯъ панҷ ҳолати сафкашии сайёраҳо дар назар аст:
- 3 июни соли 2024,
- 28 августи соли 2024,
- 18 январи соли 2025,
- 28 феврали 2025,
- 29 августи соли 2025.
Дар ин силсила сафкашии 28-уми феврали соли 2025‑ро камёб арзёбӣ мекунанд, ки зимни он ҳамаи ҳафт сайёраи дигар намоён хоҳанд шуд. Онро тавассути дурбини астрономӣ беҳтар тамошо кардан мумкин аст.
Агентии обуҳавошиносӣ: охири моҳи июн ҳавои Тоҷикистон серчангу ғубор мешавад
Мукофотпулиҳои размикорони тоҷик дар Лигаи UFC маълум шуданд
Ҳамкорӣ зарур аст! Дар Душанбе лоиҳаи тақвияти ҳамкории марказҳои матбуотӣ бо расонаҳо рӯнамоӣ шуд
Тими футболи “Куктош” Лигаи олиро тарк мекунад?
Ба қувваозмоии навбатӣ дар UFC Лоиқ Раҷабов чӣ гуна омодагӣ мегирад?
Аҳмад Масъуд: “Агар мардум Толибонро ҳам интихоб кунанд, мо таслими иродаи мардум мешавем”
Бинои нави ҳукумат ва парлумони Тоҷикистон аввали моҳи июл ифтитоҳ мешаванд
Боздошти директори "Гардуна" барои фиреби беш аз 80 нафар бо ваъдаи корёбӣ дар Чехия
Сарвазири Покистон Шаҳбоз Шариф бо сафари расмӣ ба Тоҷикистон меояд
Шиносномаи тиллоӣ: Дар кадом кишварҳо тоҷикон метавонанд барои сармоягузорӣ шаҳрвандӣ гиранд?
Кулли ахбор
Авторизуйтесь, пожалуйста