Душанбе. 3-юми март. ОИ «Азия-Плюс» - Менеҷери маркази дилерии пойтахт дар «тахрибкории компютерӣ» ва азхуд намудани 5 ҳазор сомонӣ гумонбар дониста мешавад.

Тавре аз Вазорати умури дохилии ҷумҳурӣ ба ОИ «Азия-Плюс» хабар доданд, ошкор гардидааст, ки менеҷери яке аз марказҳои дилерии пойтахт тавассути ворид гаштан ба компютери ҳамкори худ ба шабака васл   гашта, аз тавозуни маркази дилерӣ маблағи 5 ҳазор сомониро азхуд кардааст.

Аз рӯи ҳодисаи мазкур парвандаи ҷиноӣ боз шуда, тафтишот идома дорад.