Коршиносон хатсайрҳои ҳавоии аз ҳама бештар писандидаро аз Русия дар соли 2023 номбар карданд. Мувофиқи таҳқиқоти хадамоти сафар ва сайёҳии “Туту.ру”, аз хатсайрҳо ба хориҷа талаботи асосӣ ба кишварҳои хориҷи наздик рост омадааст, менависад ТАСС.
“Соли гузашта аз шумори умумии билетҳои харидашуда ба ин хатсайрҳо 11,4% рост омада, соли 2023 ин ҳисса то 12,2% афзуд”, - гуфта мешавад дар таҳқиқот.
Ба 5-гонаи хатсайрҳои аз ҳама бештар писандида парвозҳо аз Ӯзбекистон, Қирғизистон, Озарбойҷон ва Арманистон шомил шудаанд. Аз лиҳози писандидагӣ дар зинаи 6-ум Туркия, 9-ум - Амороти Муттаҳидаи Араб ва 10-ум - Гурҷистон қарор гирифтаанд.
Дар ҳамин ҳол, соли 2023 маблағи миёнаи пардохтшуда ба парвозҳо аз нуқтаи аввал ва бозпас қариб 27 ҳазор рубл (+4% нисбат ба соли гузашта)-ро ташкил додааст.
Дар таҳқиқот зикр мешавад, ки 0,5% аз билетҳои харидашуда (мисли соли пешин) ба кишварҳои Аврупо рост омада, ҳиссаи парвозҳо ба кишварҳои хориҷи дур аз 2% то ба 2,9% афзудааст.
Маблағи миёнаи пардохтшуда ба парвозҳо аз нуқтаи аввал ва бозпас ба кишварҳои хориҷи дур қариб 50 ҳазор рубл (-2%) ва ба Аврупо - 74 ҳазор рубл (+16%)-ро ташкил додааст.
Дар дохили Русия парвозҳо аз Маскав ба Сочи, Санкт-Петербург ва Калининград бештар писандида дониста шудаанд.
“Сайёҳоне, ки соли 2023 тариқи tutu билет дастрас кардаанд, бештар байни Маскав ва Сочи парвоз кардаанд. Ҳиссаи ин самт 5,7%-ро ташкил дода, дар идома аз лиҳози сермуофирӣ ва писандидагӣ хатсайрҳои Маскав - Санкт - Петербург (ҳиссааш - 5,2%) ва Маскав - Калининград (ҳиссааш - 3,1%) қарор гирифтаанд”, - зикр мешавад дар таҳқиқот.
Дар 5-гонаи аввали самтҳо ҳамчунин хатсайрҳо аз Маскав ба Минералние Води ва Екатеринбург низ зикр шудаанд.
Руcский