Дар Тоҷикистон таътили баҳории мактаббачагон аз 21-уми март оғоз шуда, то 31-уми март идома мекунад. Дар ин бора ба  “Азия-Плюс” аз Вазорати маориф ва илм хабар доданд.

Ба иттилои манбаъ, рӯзи охирини дарс 20-ум март буда, аз 21-уми март хонандагон ба таътили баҳорӣ мебароянд.

Дарсҳо аз 1-уми апрел барои ҳамаи хонандагон оғоз меёбанд.

Дар Вазорати маориф ҳамчунин зикр намуданд, ки донишҷӯён ва дигар кормандони соҳаи маориф аз 21 то 25-уми март истироҳат карда, аз 26-уми март ба кор ва дарс мебароянд.

Хотиррасон мекунем, ки соли гузашта бо сабаби тамдиди истироҳати зимистона, таътили баҳории мактаббачагон дар ҷумҳурӣ кӯтоҳ карда шуда буд.

Мактаббачагон аз 20 то 26-уми март истироҳат намуда, 27-уми март машғулият оғоз ёфта буд.

Дар Telegram, Facebook ва Instagram бо мо бимонед.