Мақомоти Узбекистон тасмим надоранд, ки техникаи низомии ба ҳудуди ин кишвар аз Афғонистон воридшударо ба "Толибон" баргардонанд. Зеро, ин техникаҳо моли ИМА ҳастанд.

Дар ин бора дар суҳбат бо расонаҳо намояндаи махсуси Узбекистон дар умури Афғонистон Исматулло Иргашев хабар дод.

Моҳи январи соли ҷорӣ "Толибон" аз Узбекистон ва Тоҷикистон талаб карда буданд, ки 40 чархболро баргардонанд. Иноятулло Хоразмӣ, намояндаи ҳукумати мудофиаи толибон он замон гуфта буд, ки "ба ҳукуматҳои ду кишвар борҳо муроҷиат ва баргардонии чархболҳоро хостаанд".

Сухан аз 24 чархбол ва 22 ҳавопаймо меравад, ки низомиҳои афғонистонӣ моҳи августи соли гузашта ба Узбекистон фирор карда буданд. 18 адад техникаи низомии Афғонистон ба ҳамин тартиб ба Тоҷикистон низ оварда шудааст.

Намояндагони вазорати мудофиаи ИМА тасдиқ карданд, ки на Узбекистон ва на Тоҷикистон нияти баргардонии ҳавопаймоҳову чархболҳоро ба Афғонистон надоранд. Дар ҳамин ҳол, амрикоиҳо гуфтанд, то кунун тасмим нагирифтаанд, ки бо ин техника чи кор кунанд.

Дар Telegram, Facebook, Instagram, OK ва ВК бо мо бимонед.