Имсол ҷашни Наврӯз дар шимоли кишвар аз 21 то 31-юми март бо чорабиниҳои фарҳангӣ, мусобиқаҳои варзишӣ ва барномаи консертӣ таҷлил мешавад. Дар ин бора аз хадамоти матбуоти раиси вилояти Суғд ба “Азия-Плюс” хабар доданд.

Ба иттилои манбаъ, 21-уми март соати 10:00 дар 8 шаҳру навоҳии Суғд - Панҷакент, Бобоҷон Ғафуров, Бӯстон, Мастчоҳ, Истаравшан, Зафаробод, Истиқлол ва Кӯҳистони Мастчоҳ Наврӯзро бо барномаҳои фарҳангӣ таҷлил мекунанд.

22-уми март, соати 10:00 дар 7 шаҳру навоҳӣ - Айнӣ, Ашт, Конибодом, Гулистон, Спитамен, Деваштич, Ҷаббор Расулов ва ноҳияи Шаҳристон  Наврӯзро таҷлил мекунанд.

Ҳамин тариқ, дар шаҳри Исфара 31-уми март, дар деҳоти Лаккон, (Мавзеи нуқтаи пайванд)  Наврӯз  таҷлил карда мешавад.

Вақту соати баргузории Наврӯз дар маркази вилоти Суғд шаҳри Хуҷанд, ки дар назар аст бо ширкати президентҳои Тоҷикистон, Ӯзбекистон ва Қирғизистон баргузор шавад, маълум нест.

Имсол ҷашни асосии Наврӯз дар шаҳри Хуҷанд таҷлил мешавад.

Дар ҷашни Наврӯз дар вилояти Суғд чунин мусобиқаҳои варзишӣ ба нақша гирифта шудааст:

23-26 март - дар ноҳияи Ҷаббор Расулов мусобиқаҳои варзишӣ - сайёҳӣ (бо 55 иштироккунанда аз кишварҳои Ӯзбекистон, Қирғизистон ва Эрон) баргузор мешаванд.

25-27 март - дар шаҳри Истаравшан мусобиқаи куштӣ (бо 67 иштироккунанда аз кишварҳои Ӯзбекистон, Қирғизистон, Эрон ва Русия) баргузор мегардад.

15-19 март – мусобиқаи байналмилалии теннис дар Хуҷанд (ҳанӯз идома дорад).

Зимнан, дар назар аст, ки бахшида ба ҷашни Наврӯз дар тамоми боғҳои фарҳангӣ-фароғатии шаҳр барномаҳои наврӯзӣ доир карда шаванд.
Илова бар ин, аз 15 то 21-уми март, дар кишвар Фестивали ҷаҳонии ҷавонон “Navruz Youth World Festival” низ гузаронида мешавад.

Дар Telegram, Facebook ва Instagram бо мо бимонед.