Дар доираи фаъолияти Шӯрои корӣ кишварҳо ба маблағи наздики 15 млн. доллар қарордодҳо ба имзо расониданианд.

- Ӯзбекистон таъсиси Шӯрои кории муштарак бо Тоҷикистонро пешниҳод мекунад, - хабар додааст ба васоити ахбори умуми Ӯзбекистон раиси Палатаи савдо ва саноати ин кишвар Адҳам Икромов.

Ба гуфтаи ӯ, ҷаласаи нахустини Шӯрои кории Тоҷикиситону Ӯзбекистон дар доираи сафари давлатии президенти Ӯзбекистон Шавкат Мирзиёев ба Тоҷикистон баргузор мешавад.

Адҳам Икромов қайд кардааст, ки таъсиси Шӯрои корӣ миёни кишварҳо бо ташаббуси ҷониби Ӯзбекистон роҳандозӣ шудааст.

«Дар ҷаласаҳои Шӯрои кории кишварҳо масоили мавриди таваҷҷуҳи доираҳои соҳибкорон ва тоҷирони Ӯзбекистону Тоҷикистон баррасӣ мешаванд», - гуфтааст ӯ.

Икромов илова намудааст, ки дар чаҳорчӯби фаъолияти Шӯрои корӣ Ӯзбекистону Тоҷикистон ният доранд, ки ба маблағи ҳудуди 15 млн. доллар қарордоду шартномаҳо ба имзо расонанд.

Қаблан зикр гардида буд, ки рӯзҳои 7-9 март дар Душанбе намоишгоҳ-фурӯши молу маҳсулоти Ӯзбекистон ва ҳамчунин форуми доираҳои соҳибкорону тоҷирони Тоҷикистону Ӯзбекистон доир мегардад.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.