Ҳаҷми муомилоти моли хориҷии Тоҷикистон давоми 5 моҳи соли ҷорӣ беш аз 1,7 млрд. долларро ташкил дод, ки нисбат ба моҳҳои январ-майи соли 2018 ба андозаи 1,7% зиёдтар аст, хабар медиҳад Агентии омори назди президенти Тоҷикистон.

Ҳаҷми содирот дар ин давра 410 млн. долларро ташкил додааст, ки нисбат ба ҳамин давраи соли гузашта 18,2 млн. доллар камтар аст.

Тӯли моҳҳои январ-майи соли ҷорӣ ҳаҷми воридоти маҳсулот ба кишвар ба маблағи беш аз 1,3 млрд. доллар сурат гирифтааст, ки дар муқоиса бо ҳамин давраи соли гузашта 47,4 млн. доллар зиёдтар аст.

Қариб 44% дар сохтори содирот ба маҳсулоти минералӣ (ашёи хом), беш аз 20,6% - ба фулузоти нимқиматбаҳо ва маснӯот аз он (асосан алюминий) ва 19,2% ба маҳсулоти нассоҷӣ рост меояд.

Наздики чоряки воридоту молу маҳсулот  ба ҷумҳуриро аз ҳаҷми умумӣ воситаҳои нақлиёт ва мошину таҷҳизот, 19%-ро - маҳсулоти минералӣ ва 10,4%-ро маҳсулоти саноати кимиёвӣ ташкил медиҳанд.

Тӯли панҷ моҳи соли равон Тоҷикистон бо 100 кишвари саросари дунё муомилоти молӣ анҷом додааст.

Шарикони асосии тиҷоратии Тоҷикистон дар ин давра Русия (415 млн. доллар), Қазоқистон (348 млн. доллар), Чин (244 млн. доллар) ва Ӯзбекистон (133 млн. доллар) дониста мешаванд.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.