Дар 9 моҳи соли равон бақияи қарзи андоз дар Тоҷикистон 166,3 миллион сомонӣ афзоиш ёфта, то 1-уми октябри соли ҷорӣ 894,4 миллион сомониро ташкил додааст. Дар ин бора Нозим Меликзода, муовини раиси Кумитаи андози Тоҷикистон дар иҷлосияи навбатии палатаи поёни парлумони Тоҷикистон рӯзи 2-юми ноябр иброз дошт, хабар медиҳад, рӯзномаи “Садои мардум”.
Номбурда гуфтааст, ҳарчанд нақшаи андоз дар ин давра 106,2 дарсад иҷро гардид, вале аз ҳисоби ширкатҳое чун ҶСК “Ширкати Алюминийи Тоҷик”, ҶСК “Тоҷиктелеком”, ЧДММ “Ширкати кӯҳӣ — саноатии Тоҷикистону Хитой”, ҶДММ “Ширкати металлургии “Анзоб”, ҶСК “Талко Голд” ва ширкатҳои мобилӣ ба буҷет 349 миллион сомонӣ ворид нашуд.
Ба таъкиди вай, “сабаби таъмин нагардидани иҷрои нақша аз ҳисоби субъектҳои номбурда чун солҳои қаблӣ таъмин нашудани иҷрои дурнамои нишондиҳандаҳои ин корхонаҳо, нокифоя афзоиш ёфтани манбаъҳои андозбандӣ, бо фоидаи ночиз ҷамъбаст намудани фаъолият ва дигар омилҳо вобастагӣ дорад”.
Ин масъули Кумитаи андоз гуфтааст, дар ин давра аз 13,6 ҳазор андозсупорандаи қарздор 812 миллион сомонӣ рӯёнидаанд, ки нисбат ба ҳамин давраи соли гузашта 133,9 миллион сомонӣ зиёд мебошад.
Дар натиҷаи анҷом додани корҳои назоратӣ 994,1 миллион сомонӣ ошкор карда, ба буҷет бо назардошти қарзҳои солҳои қаблӣ 872 миллион сомонӣ ворид шуд. Ин нишондиҳанда нисбат ба ҳамин давраи соли гузашта 303,4 миллион сомонӣ зиёд мебошад.
Дар ҷаласа, Файзиддин Қаҳҳорзода, вазири молияи Тоҷикистон иттилоъ додааст, ки иҷрои нақшаи қисми даромади буҷети давлатӣ дар 9 моҳи соли раовн 101,6 фоиз таъмин гардида, ба буҷет 30,5 млрд. сомонӣ ворид шудааст.
С кем встречался Эмомали Рахмон на Саммите будущего в Нью-Йорке и о чем говорил?
Полезные знания и музыкальный драйв. Фестиваль финансовой грамотности вновь пройдет в Душанбе
Российские СМИ: семья из Таджикистана знала о подготовке нападения на «Крокус»
Душанбинский драмтеатр имени Маяковского отправился на гастроли в Россию
В Таджикистане увеличат размер социального пособия малоимущим
Юбилей Первого Микрофинансового Банка: 20 лет на службе людям
В Казахстане инвалидность будут устанавливать независимые эксперты
Президент Таджикистана призвал международное сообщество к солидарности для противостояния общим вызовам
Рахмон и Пезешкиан договорились наращивать экономическое сотрудничество
Почему Таджикистан не одержал ни одной победы на ЧМ-2024 в Узбекистане?
Все новости
Авторизуйтесь, пожалуйста