Аз лиҳози кишоварзии органикӣ Тоҷикистон дар сафи пеш байни кишварҳои ИДМ қарор гирифт.
Байни кишварҳои узви Иттиҳоди Давлатҳои Мустақил (ИДМ) маҳсулоти кишоварзии Тоҷикистон тозатарин аз лиҳози экологӣ эътироф шуд.
Тибқи маълумоти Созмони ғизо ва кишоварзии СММ (ФАО), дар Тоҷикистон кишоварзии органикӣ дар 1,4% заминҳои кишт истифода шуда, дар дигар давлатҳои минтақа ба ҷуз Молдова, ин нишондиҳанда камтар аз 1%-ро ташкил медиҳад.
Молдова 1,3% аз заминҳои киштро барои кишоварзии органикӣ, Озарбойҷон - 0,8%, Украина - 0,6%, Қирғизистон 0,3%, Гурҷистон - 0,2%, Русия ва Беларус - 0,1%-ӣ, Қазоқистон - 0,05%, Арманистон - 0,04% ва Ӯзбекистон - 0,01%-ро истифода мебаранд.
Кишоварзии органикӣ дар 188 кишвар мавриди истифода қарор дошта, зиёда ааз 96 млн гектар заминҳои кишвар бо усули органикӣ аз ҷониби ҳадди ақалл 4,5 млн фермерон мавриди истифода қарор доранд.
Дар кишоварзии органикӣ ҳангоми парвариши маҳсулот рад шудани маводи кимиёвӣ ва ба ивази он истифода бурдани маводи табиӣ пешбинӣ шудааст.
Дар нашри 25-уми “Олами кишоварзии органикӣ”, ки аз ҷониби Пажуҳишгоҳи кишоварзии органикии FiBL ва IFOAM – Organics International ба чоп расидааст, доир ба кишоварзии органикӣ дар ҷаҳон гузориши муфассал дода мешавад.
Кишоварзии оганикӣ дар Тоҷикистон соли 2008 дар парвариши пахтаи органикӣ дар минатқаи шимоли кишвар дар доираи лоиҳаи Созмони ҳамкории “Хельветас”-и Швейтсария оғоз ёфт.
Ҳиссаи заминҳои кишоварзии органикӣ аз 0,07%; дар соли 2008 то ба 1,4% дар соли 2023 зиёд шуда, дар ин заминҳо асосан пахта, юнучқа, зардолу, чормағз, ҷуворимакка ва помидор парвариш карда мешавад.
Ҳангоми парвариши ин зироатҳо бо усули органикӣ нисбат ба кишоварзии анъанавии маъмулӣ ба ҳисоби миёна 30% камтар энергия сарф шуда, об бештар дар хок боқӣ мемонад, эрозия кам шуда, сифати хок зарар намебинад ва захираҳои биологӣ нигоҳ дошта мешаванд.
Ягона нуқсони кишоварзии органикӣ арзиши баландтари маҳсулот бо нишони "органикӣ"мебошад. Бо вуҷуди ин, бисёре аз истеъмолкунандагон омодаанд, ки барои ғизои солим ва босифат малағи зиёдтар пардохт кунанд.
Триумф в Каире. Еще один штрих к «Судьбе поэта»
5 видов заболеваний, которые обостряются весной
Салом алейкум, Таджикистан! Анонсы событий, день в истории, прогноз погоды на 31 марта 2025 года
23 года устойчивого развития. Банк «Арванд» празднует день своего основания
С праздником Фитр, дорогие таджикистанцы!
Из Таджикистана в Южную Корею: как добраться, где остановиться и что важно знать
«Нам необходимо обеспечить лидерство Америки в Арктике». Вице-президент США неофициально посетил Гренландию
Объем пресной воды на Земле за последние 20 лет резко уменьшился и не восполняется – исследование
Суд в США приостановил указ Трампа о ликвидации «Голоса Америки»
Цены на продукты в Душанбе: что изменилось за месяц Рамазан?
Все новости
Авторизуйтесь, пожалуйста