Даромади оператори миллии алоқаи “Тоҷиктелеком”, КВД “Почтаи тоҷик” ва дигар воҳидҳои Хадамоти алоқаи назди ҳукумати Тоҷикистон дар зарфи 6 моҳи соли равон ҳудуди 124 млн сомонӣ ё худ 11,6 млн долларро ташкил медиҳад. Ин нишондиҳанда 35,5% зиёдтар нисбат ба ҳамин давраи соли 2023 мебошад. Дар ин бора Агентии омори ҷумҳурӣ хабар медиҳад.
Даромад асосан аз ҳисоби хидматрасониҳо ба алоқаи телефони байнишаҳрӣ ва байнулмилалӣ (61,5%) ва интернет (29,0%) афзудааст.
Даромади операторони хусусии алоқа низ нисбатан камтар - 8,4% зиёд шудааст. Дар нимсолаи аввал онҳо ҳудуди 2 млрд сомонӣ (186 млн доллар) кор кардаанд.
Ҳиссаи операторони хусусӣ дар бозори хидматрасонии алоқаи ҷумҳурӣ дар нимсолаи аввал 94,1%-ро ташкил додааст.
Бино ба маълумоти Хадамоти алоқаи Тоҷикистон, то оғози нимсолаи дуюм теъдоди корбарони шабакаи интернет дар кишвар зиёда аз 4,3 млн муштариён ва корбарони алоқаи мобилӣ - ҳудуди 6,8 млн муштариёнро ташкил додааст, ки 3,3 млн муштариёни онҳо фаъол мебошанд.
Ба ин тариқ, даромади операторони алоқаи Тоҷикистон дар нимсолаи аввали соли равон дар маҷмӯъ зиёда аз 2,1 млрд сомонӣ ё худ 197 млн долларро ташкил додааст, ки 9,6% зиёдтар нисбат ба ҳамин давраи соли 2023 аст.
Дар ҳамин ҳол, дар радабандии навшудаи Worldwide mobile data pricing Тоҷикистон миёни кишварҳои арзиши интернеташон бештар баланд ва дар ҳамин ҳол, байни кишварҳои пасстарин суръати интернет қарор дорад.
Ҷумҳурӣ бо нархи миёнаи 1,65 доллар барои 1 Гб дар зинаи 142-юм дар ҷаҳон қарор дорад. Барои муқоиса: Қирғизистон – зинаи 8-ум ($0,17), Ӯзбекистон – зинаи 22-юм ($0,30), Қазоқистон – зинаи 35-ум ($0,41).
Дар радабандии моҳи июли Speedtest Global Index Тоҷикистон миёни 162 кишвари сайёра аз рӯи суръати интернети мобилӣ дар мақоми 143-юм ва суръати интернети сабтшудаи васеъхат дар зинаи 125-ум ҷойгир шудааст. Мутаносибан Қазоқистон зинаҳои 56 ва 94-ум, Қирғизистон - 66 ва 85-ум ва Ӯзбекистон зинаҳои 74 ва 82-юмро касб кардаанд.
«Жизнь афганских женщин невыносима». В ООН отметили ухудшение гуманитарной ситуации в Афганистане
«Мы реально не знаем, кто к нам едет». Как в России собираются бороться с нелегальной миграцией
Российский канал ТНТ решил закрыть юмористическое шоу Comedy Club
Таджикистан поддержал резолюцию ООН с требованием вывести войска Израиля с территории Палестины
В Дангаре построят новые школы, молодежный центр и драмтеатр
Интервью самому себе. Барзу Абдуразакову исполнилось 65 лет
Таджикистан с начала года экспортировал электричества на $82,3 млн
Обновленный Hyundai Santa Fe 2024: Что за новинка на таджикском авторынке?
Камчыбек Ташиев заявил о тщетности усилий по задержанию коррупционеров в Кыргызстане
В Таджикистане создан Комитет жилищно-коммунального хозяйства. Чем он будет заниматься теперь?
Все новости
Авторизуйтесь, пожалуйста