Имрӯз, 27-уми сентябр Эмомалӣ Раҳмон, раисҷумҳури Тоҷикистон дар доираи сафари кории худ ба шаҳри Роғун хатти интиқоли барқи 220 кВ аз НБО “Роғун” то зеристгоҳи барқии “Роғун”-ро баъди навсозӣ ба истифода дод.
Хадамоти матбуотии раисҷумҳур хабар медиҳад, ки иншооти мазкур бо дастгирии ҳукумати кишвар дар ҳамкорӣ бо шарикони рушд ба маблағи умумии 11 миллион доллар сохта шудааст.
“Баъд аз навсозӣ ва васеънамоии зеристгоҳи мазкур барқи истеҳсолгардидаи НБО «Роғун» тавассути хатти барқии 220 кВ аз дастгоҳи тақсимоти пӯшидаи элегазии – 220 кВ-и НБО «Роғун» то дастгоҳи тақсимоти кушодаи зеристгоҳи барқии 220/110/35/10 кВ-и «Роғун» интиқол ёфта, ба низоми ягонаи энергетикии кишвар пайванд мешавад ва ба ин васила эътимоднокии системаи энергетикӣ кишвар баланд мегардад”, - навиштааст хадамоти матбуотӣ.
Ба иттилои манбаъ, зеристгоҳи мазкур барои бо барқ таъмин кардани аҳолӣ ва корхонаҳои саноатӣ пешбинӣ шудааст ва бо таҷҳизоту техналогияи нав муҷаҳҳаз аст. Аз ҷумла, баъд аз навсозии зеристгоҳ сокинони шаҳри Роғун, ноҳияҳои водии Рашт, Файзобод ва қисман шаҳри Ваҳдат бо барқи доимӣ таъмин мешаванд.
Бояд гуфт, ки таъмини аҳолӣ бо барқ дар тирамоҳу зимистону баҳор яке аз мушкилии асосии Тоҷикистон аст. Қаблан, масъулини Вазорати энергетикаи кишвар ва “Барқи тоҷик” гуфта буданд, ки то неругоҳи “Роғун” пурра ба кор надарояд, “лимит”-и барқ дар кишвар идома хоҳад дошт.
Аз 22-юми сентябр дар Тоҷикистон маҳдудият ё "лимит"-и барқ расман ҷорӣ шуд. Ширкати “Барқи тоҷик” бо нашри як муроҷиатнома гуфта буд, ки сабаб камбуди об ва “сол аз сол зиёд шудани талаботи аҳолӣ ба барқ” мебошад.
“Таҷрибаи солҳои қаблӣ нишон медиҳад, ки барои таъмини сифатноки барқ дар мавсими сармо ҷорӣ кардани маҳдудият дар давраи нисбатан гарм будани ҳаво барои аҳолӣ мушкилоти зиёд намеорад”, - омадааст дар муроҷиатномаи “Барқи тоҷик”.
Ин ниҳод аз аҳолӣ хоста буд, ки “ба зимистон омодагии ҳамаҷониба бинанд ва дар тирамоҳу зимистон нерӯи барқро сарфакорона истифода кунанд.”
Переводы по номеру телефона: как инновации меняют платежную экосистему Таджикистана
Чиновника администрации Истиклола обвинили в присвоении денег граждан
МВД России сделает публичным реестр нелегальных мигрантов
«Би-би-си»: Талибы отменили десятки тысяч судебных решений о разводах с несовершеннолетними
Российское посольство восстановит стелу с именами героев ВОВ в Душанбе
Призыв в Таджикистане уже завтра! Отвечаем на самые важные вопросы
Таджикистан и Саудовская Аравия отменили визы для обладателей дипломатических и служебных паспортов
Moody’s вслед за S&P повысил суверенный кредитный рейтинг Таджикистана
В Душанбе задержали мужчину по подозрению в изнасиловании несовершеннолетних
Правительство Таджикистана привлекло еще $1,15 млрд на достройку Рогунской ГЭС
Все новости
Авторизуйтесь, пожалуйста