Шаби 11 ба 12-уми августи соли равон, тахминан соати 04:00-дақиқа, дар қаҳвахонаи “Бедуин”, воқеъ дар кӯчаи Сомонии ноҳияи Рӯдакӣ шахсони номаълум бо истифода аз таппончаи газии тамғаи “Макаров” ва чӯбдаст, ба марди 30-солаи сокини ноҳияи Рӯдакӣ ва рафиқонаш, сокинони ҳамин ноҳия ҳамла намудаанд.

Бино ба иттилои Вазорати корҳои дохилии ҶТ, сипас ду маротиба бо таппончаи мазкур ба сари рафиқаш, марди 40-сола зада, ду нафар ҷавонони 18 ва 27-соларо ба ҷамоати деҳоти Чоргултеппаи ноҳияи Рӯдакӣ бурда, бе ягон асос мавриди лату кӯб қарор додаанд.

«Ин гурӯҳи ҷиноятпеша аз ӯ маблағи 120-сомонӣ, автомашинаи шахсии тамғаи “Ваз-2105”-ро бо роҳи зӯроварӣ гирифта, 4000-сомонии дигар талаб намудаанд», - маодааст дар хабар.

Гуфта мешавад, ҳангоми гузаронидани чорабиниҳои оперативӣ-ҷустуҷӯӣ кормандони милитсия ҳамчун гумонбар дар содир намудани ҷинояти мазкур шаш  нафар сокинони ноҳияи Рӯдакӣ; ҷавонони аз 20 то 29 соларо дастгир намуданд. Далелҳои шайъӣ як адад калтакчӯб ва як адад таппончаи травматикӣ гирифта шуданд.

Зимнан зикр мегардад, ки аз рӯи ҳодисаи мазкур парвандаи ҷиноятӣ оғоз гардида, тафтишот дар ин самт идома дорад.