Панҷ сокини деҳаи Сангпари ҷамоати деҳоти Зиракии шаҳри Кӯлоб тасмим гирифтаанд, ки барои харгӯшҳо сӯрох бикананд, хабар медиҳад КҲФ.

«Онҳо дар кӯҳ ба кофтани чуқурӣ шурӯъ карданд, аммо аз риоя накардани чораҳои бехатарӣ хок фурӯ рафтааст.  Дар натиҷа панҷ нафар дар зери замин монданд, ки чаҳор нафари онҳо ноболиғон буданд», - гуфтанд дар КҲФ.

Дар миёни фавтидагон се нафар бародарони соли таваллудашон 2012, 2013 ва 2016 мебошанд.

Бо талоши сокинони маҳаллӣ ҷасади фавтидагон аз зери харобаҳо берун оварда, ба наздиконашон супурда шуд.

Дар Telegram, Facebook, Instagram, OK ва ВК бо мо бимонед.