Дар доираи сафари расмӣ ба Фаронса раисҷумҳури Тоҷикистон Эмомалӣ Раҳмон рӯзи 7-уми ноябр дар шаҳри Порис бо намояндагони доираҳои соҳибкорӣ ва сармоягузорони ин кишвар мулоқот кард.
Бино ба иттилои хадамоти матбуоти сарвари давлат, зимни мулоқот дурнамои ҳамкорӣ ва имконоту иқтидори Тоҷикистону Фаронса барои густариши муносибатҳои тиҷоратию иқтисодӣ баррасӣ шуд.
Дар ҷараёни мулоқот масъалаҳои ҳамкорӣ дар доираи Шӯрои соҳибкорони Тоҷикистону Фаронса, муносибатҳои тиҷоратию иқтисодии байни ширкатҳои ду кишвар баррасӣ гардида, таъсиси Агентии рушди Фаронса дар Тоҷикистон зарур шуморида шуд.
Гуфта мешавад, дар ин вохӯрӣ намояндаи махсуси Вазорати умури Аврупо ва корҳои хориҷии Ҷумҳурии Фаронса оид ба Осиёи Марказӣ, сафири Фаронса дар Тоҷикистон, роҳбарони ширкатҳои бонуфузи Аэробус (AIRBUS) Клустер Монтейҷн (CLUSTER MONTAGNE), Фивз (FIVES), Групп Иннитера (GROUP INNITHERA), Сафран (SAFRAN), Шевер (SCHIEVER), Талес (THALES), Тотал (TOTAL), Трактебел Инҷиниринг (TRACTEBEL ENGINEERING) ва Медеф Интернасионал (MEDEF INTERNATIONAL) ҳузур доштанд.
Онҳо ба раисҷумҳури Тоҷикистон барои фароҳам овардани фазои мусоиди сармоягузорӣ баҳои баланд дода, ҳавасмандии худро баҳри иштирок дар рушду густариши иқтисодиёти Тоҷикистон иброз доштанд.
Дар ҳамин ҷо барои рушду густариши муносибатҳои тиҷоратӣ байни корхонаву ширкатҳои ду кишвар санадҳои нави ҳамкорӣ ба имзо расонда шуд, аз ҷумла, созишномаи ҳамкорӣ байни КВД “Тоҷинвест” ва ассотсиатсияи фаронсавии "Medef International".
Қобили зикр аст, ки маҳз ҳамин ширкат 45 сол пеш корхонаи истеҳсоли анодҳоро дар Ширкати алюминии Тоҷикистон (ТАЛКО) сохта буд.
Ҳамчунин байни ТАЛКО, Ширкати фаронсавии Фавз (Fives) ва Ширкати олмонии Риедҳаммер (Riedhammer) созишномаи сеҷонибаи ҳамкорӣ оид ба воридоти технологияи муосир барои коргоҳи анодпазӣ ба имзо расид.
Дар ҳузури Эмомалӣ Раҳмон байни Ширкати “Аэробус”-и аврупоӣ ва Ширкати ҳавопаймоии “Сомонэйр”-и Тоҷикистон созишномаи ҳамкорӣ оид ба ворид кардани 5 чархбол ба Тоҷикистон имзо шуд.
Ба ҷуз ин, созишномаҳо миёни ширкати дорусозии “Сифат Фарма”-и Тоҷикистон ва ширкати фаронсавии “Лабаротория ИННОТЕК интернасионал” дар бораи ҳамкорӣ, инчунин байни ширкати “Амид”-и Тоҷикистон ва ширкати “Шивер Групп”-и Фаронса оид ба ташкили маркази савдо дар ноҳияи Бобоҷон Ғафурови вилояти Суғд имзо шуданд.
Дар ҷараёни мулоқот Эмомалӣ Раҳмон доир ба имконоти сармоягузорӣ маълумот дода, зикр кард, ки айни ҳол дар Тоҷикистон беш аз 20 ширкату коргоҳҳои фаронсавӣ фаъолияти пурсамар доранд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
На что у таджикистанцев аллергия? И как распознать на что она лично у тебя?
Массированный удар по Украине: в Киеве под удар попала крупнейшая детская больница
Со склонов Эвереста вынесли 11 тонн мусора
Кто он - новый президент Ирана Масуд Пезешкиан
Таджикских мигрантов пять дней продержали в «Шереметьево», а затем выслали обратно
Как в Таджикистане женщины теряют здоровье, лишь бы угодить мужу и обществу?
В Таджикистане заработало постоянное представительство Группы Всемирного банка
Конгресс США попросил врача дать показания о здоровье Байдена
«Молодежка» Таджикистана (U-20) обыграла команду Афганистана на чемпионате CAFA-2024
Военные Таджикистана участвуют в международных учениях «Бірлестік-2024»
Все новости
Авторизуйтесь, пожалуйста