Муҳаммад Зоҳири Ағбар, сафири ҳукумати пешини Афғонистон, ки мегӯяд намояндаи ин кишвар дар Тоҷикистон аст, овозаҳо дар бораи фиристодани дипломати гурӯҳи Толибон* ба Тоҷикистонро рад кард ва номаеро, ки дар баъзе расонаҳо ва шабакаҳои иҷтимоӣ паҳн гардида буд, пора намуд.
Дар ин номаи паҳнгардида гуфта мешуд, ки Файзулло ном шахсе ба ҳайси котиби аввали сафорати Афғонистон дар Тоҷикистон таъйин шудааст ва зери он гӯё Амирхон Муттақӣ, вазири корҳои хориҷии ҳукумати Толибон имзо гузоштааст.
Худи Толибон то ҳол дар ин бора расман изҳори назар накардаанд.
Зоҳири Ағбар, ки имрӯз, 7-уми ноябр, дар ҳузури рӯзноманигорон суҳбат мекард, гуфт, ба он мактуб ҳеҷ иртиботе надорад ва намедонад, ки он аз куҷо ва чӣ гуна пайдо шудаву дар баъзе расонаҳо ва шабакаҳои иҷтимоӣ паҳн гардидааст. Ӯ он номаро дар ҳузури рӯзноманигорон намоишкорона пора кард.
Бояд гуфт, ки дар хусуси номаи мазкур аз ҷумла, хабаргузории “Afganistan International” низ иттилоъ дода, навишт, ки “нафаре бо номи Файзулло ба вазифаи котиби аввали ин сафорат таъйин шудааст” ва дар он мактуб аз “сафорати Афғонистон хоста шудааст, то давлати Тоҷикистонро дар бораи таъйини як дипломати нав огоҳ кунад”.
Мақомоти Тоҷикистон ҳам то кунун дар бораи таъйин ё омадани дипломати Толибон ба кишвар иттилое надодаанд.
Гуфтан зарур аст, ки то кунун як қатор кишварҳо, аз ҷумла Чин, Эрон, Русия ва Туркия сафоратҳои Афғонистонро ба намояндагони расмии Толибон таслим карда, дипломатҳои ин гурӯҳро пазируфтаанд.
Тоҷикистон аз кишварҳое мебошад, ки бо Толибон расман ҳеҷ гуна равобит надорад. Дар Душанбе то ҳол сафири ҳукумати пешини Афғонистон ба ҳайси намояндаи мардуми ин кишвар фаъолият мекунад.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
«Это было, было, было…». ТОП-10 песен из советского прошлого, которые до сих пор помнят и поют в Таджикистане
Мархабо ждет мужа-мигранта уже 20 лет. В родном селе ее называют «Железной женщиной»
Лазерное лечение варикоза: кому можно, а кому нельзя делать эту процедуру?
«Красные следопыты», дружинники и Герои труда: история таджикской пионерии
Салом алейкум, Таджикистан! Анонсы событий, день в истории, прогноз погоды на 19 мая 2024 года
Привычки таджикистанцев, которые очень удивляют иностранцев
Как работают на улице сапожники Худжанда. Зимой в снег и летом в жару
Завтра в Душанбе состоится забег и веломарафон в рамках Национального дня бега, а также акция One Run
Три героини, как грани характера таджикской женщины. Размышления о фильме «Рох»
Как таджикский дзюдоист ворвался в элиту мирового дзюдо
Все новости
Авторизуйтесь, пожалуйста