Академияи илмҳои Тоҷикистон ба амалисозии барномаи барқарорсозӣ ва истифодаи минбаъдаи реактори ядроии таҳқиқотии «Аргус-ФТИ» барои солҳои 2016-2020 шурӯъ намуд.
Президенти Академияи илмҳои Тоҷикистон Фарҳод Раҳимзода зимни нишасти хабарии имрӯза дар ин робита изҳор намуд, ки дар қарори ҳукумат оид ба ин барнома таъкид мешавад, ки «рушди минбаъдаи иқтисоди Тоҷикистон назди давлдат вазифаҳои марбут ба истифодаи технологияҳои муосирро мегузорад. Дар ин робита Академияи илмҳо вазифадор карда мешавад, ки бо мақсади рушди иқтисоди Тоҷикистон ҳарчи зудтар реактори «Аругс-ФТИ»-ро, ки солҳои 80-уми асри гузашта сохта шуда, вале мавриди истифода қарор нагирифтааст, барқарор ва ба истифодаи минбаъда барои ҳадафҳои осоишта омода созад».
Академияи илмҳо ҳамчунин ба омӯзиши вазъ, таъиноти реактор ва муайян кардани имконоти техникии он вазифадор карда шудааст. Ҳамчунин ба муайян кардани дурнамои истифодаи реактор ва ташкил додани комплекси ядроӣ-технологӣ оид ба истеҳсоли радиоизотопҳои тиббӣ низ дастур дода шудааст.
Дар қарори ҳукумат зикр мегардад, ки соҳаҳои асосии истифодаи реактор илму тиб, саноати кӯҳкорӣ, бахши кишоварзӣ, ҳифзи муҳити зист ва ғайра мебошанд.
«Мо дар доираи қонунгузорӣ ва санадҳои байнулмилалии аз ҷониби Тоҷикистон баимзорасида корро дар ин самт шурӯъ намудем. Ҳозир бо ҳамтоёни русиягӣ корро оғоз кардем ва умедворем, ки ояндаи наздик корҳои амалӣ низ оғоз мегарданд», - қайд кард президенти Академияи илмҳои Тоҷикистон.
Фарҳод Раҳимзода таъкид дошт: «Ҳадафи аслӣ - барқарор кардани реактор баҳри истифода бо мақсади осоишта аст, то ки ба корҳои илмӣ-таҳқиқотӣ оғоз бахшида шавад».
Ба гуфтаи ӯ, то соли 2020 реактори ядроӣ бояд пурра ба корҳо дар тамоми самтҳои илмӣ оғоз кунад. «Ин барои Академия ва ҳаёти илмии кишвар хеле муҳим аст. Муҳлати ҳадди ақали оғози кор 3 солро ташкил медиҳад», - гуфт Раҳимзода.
Моя соседка бьет ребенка. Что я могу сделать?
Традиционная китайская свадьба: как она на самом деле проходит?
Правила жизни Эмомали Рахмона
Премьер-министр Таджикистана заявил о нарушении прав и свобод таджикистанцев в России
Адама Кадырова включили в Книгу рекордов России
Как сделать литературный таджикский язык популярным?
В Узбекистане принят закон «О креативной экономике». Как он поможет креативному бизнесу?
Что пожелали Эмомали Рахмону лидеры Китая и Узбекистана?
Путин анонсировал встречу с Эмомали Рахмоном в Москве
ГЛАВНОЕ ЗА НЕДЕЛЮ: Первые электроавтобусы, экстремизм через «интернет-имамов» и миллионы для Рогуна
Все новости
Авторизуйтесь, пожалуйста