Ташкилоти озуқаворӣ ва кишоварзии СММ (ФАО) дар кишварҳои Аврупо ва Осиёи Марказӣ сатҳи нисбатан баландтари камбуди ғизо барои аҳолиро ба қайд гирифтааст. Он ба Тоҷикистон рост меояд, ки ҳар сеюм нафар аҳолии кишвар ба он дучор аст.
Дар гузориши ФАО «Вазъ дар соҳаи амнияти озуқаворӣ ва ғизо дар Аврупо ва Осиёи Марказӣ» гуфта мешавад, давоми солҳои 2014-2016 дар Тоҷикистон 30,1 фоиз ё худ 2,6 млн. нафар ба камбуди ғизо дучор буданд.
Камшавии ин нишондиҳанда ба миқдори 40,2 фоиз аз солҳои 2005-007 қайд мешавад, яъне сатҳи нимгуруснагӣ ҳамасола қариб 1 фоиз кам шудааст.
Дар ҳамин ҳол, миёни кишварҳои Аврупо ва Осиёи Марказӣ Маҷмӯи маҳсулоти дохилӣ ба ҳар сари аҳолӣ дар Тоҷикистон аз ҳама пасттар нишон дода шудааст, ки соли 2015 ҳамагӣ 933 долларро ташкил додааст.
Таҳлилгарони Ташкилот таъкид месозанд, ки сатҳи густариши камуди ғизо барои аҳолӣ дар кишварҳои Аврупо ва Осиёи Марказӣ дар маҷмӯъ начандон баланд буда, аз соли 1990 то соли 2016 минтақа ҳам дар коҳиши ҳиссаи фоиз ва ҳам шумор ба комёбиҳои назаррас ноил шуд.
«Бо вуҷуди ин, дар чанде аз кишварҳои Аврупо ва Осиёи Марказӣ сатҳи густариши норасоии хӯрок барои аҳолӣ нисбатан баланд боқӣ мемонад. Сатҳи бештар баланди ин нишондиҳанда дар Тоҷикистон ба қайд гирифта шудааст», - қайд мешавад дар гузориш.
Ҳамчунин аз густариши сатҳи камбуди ғизо барои аҳолӣ дар Молдова (8,5%), Гурҷистон (7%), Қирғизистон (6,4%), Ӯзбекистон (6,3%), Сербия (5,6%) ва Туркманистон (5,5%) низ нигаронӣ изҳор мешавад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Легендарные роли. Самые известные актрисы таджикского театра и кино в СССР
Афиша от «Азия-Плюс»: Retro Auto & Retro Music Plus, худжандский Stand-Up и вечер Анны Егоян
В Узбекистане впервые выделили 100 тысяч гектаров под иностранные сорта хлопка
Петр Сегрт: «Возможно, однажды буду управлять клубом Суперлиги». Чем занимается бывший наставник сборной Таджикистана?
Из Таджикистана в Германию. Истории таджикистанцев, переехавших в новую страну и построивших карьеру
Чапаны, сумки и платья. В Душанбе проходит фестиваль атласа и адраса
ЧМ по футзалу: Таджикистан проиграл Португалии, но шансы на плей-офф еще есть
Груз 200 из Украины. Тела двух таджикистанцев вернули на Родину
В Узбекистане разработали программы по борьбе с пыльными бурями и улучшению качества воздуха
Таджикистан оказался ниже среднемирового уровня и позади Афганистана
Все новости
Авторизуйтесь, пожалуйста