Созмони байнулмилалии Human Rights Watch изҳор дошт, ки вазъи ҳуқуқи инсон дар Тоҷикистон бад мешавад. Дар ин бора дар гузориши ҳамасола дар бораи вазъ дар ҷаҳон, ки рӯйдодҳои соли 2019-ро фаро мегиранд, сухан меравад.

HRW қайд мекунад, ки дар кишвар муҷозоти интиқодгарони ҳокимият: фаъолони мухолиф, рӯзноманигорон идома ёфта, ҳатто гумонбарон – корбарони шабакаҳои иҷтимоӣ ба риоя накардани қонун ба муҳлатҳои тӯлонии зиндон маҳкум шуданд.

Созмон ҳамчунин зикр мекунад, ки озодии баён ва озодии дин шадидан маҳдуд шуда, ташкилотҳои ғайриҳукуматӣ тарсонида мешуданд ва сензураи шабакаи интернет амалӣ мешуд.

Ҳукумат ба наздикону пайвандони норозиҳои дар хориҷа қарордошта фишор оварда, тариқи Интерпол дар бораи маҷбуран ба Ватан баргардонидани рақибони сиёсӣ ба кишвар дархостҳои аз лиҳози сиёсӣ далелнок ирсол мешуданд.

Дар гузориш ҳамчунин дар бораи шароити будубош дар муассисаҳои ислоҳии кишвар ва истифодаи шиканҷа дар онҳо, озодии баёну дин, хушунати хонаводагӣ сухан меравад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.