Аҳли хонавода барои соҳибмаълумот шудани духтарону занон чӣ нақше дошта метавонанд? Ақидаҳои қолабии гендерӣ ва зӯроварӣ дар оиларо чӣ хел метавон коҳиш дод?

Сарфи назар аз он ки қонунгузории Тоҷикистон никоҳи барвақтиро манъ кардааст, чаро бе розигии духтар ба шавҳар доданаш пурра аз байн нарафтааст?

Дар кишварҳои пешрафтаи ҷаҳон оиладор шудани бонувони аз 25-сола боло таҷрибаи маъмулист. Чаро дар ҷомеаи мо духтароне, ки то 25-солагӣ шавҳар накардаанд, баъзан таҳқир мешаванд, ки “пирдухтар” шудаанд?

Раванди муҳоҷирати корӣ то чӣ андоза ба устувории оилаҳо ва тарбияи кӯдакон, ҳамчунин афзоиши хушунати хонаводагӣ таъсир мерасонад?

Роҳбари эътилофи “Аз баробарии ҳуқуқӣ – ба баробарии воқеӣ” Гулҷаҳон Бобосодиқова дар бораи масоили ҳалталаби хонавода, ҷомеа ва кишвар андешаронӣ мекунад. Суҳбаторо – Субҳон Ҷалилов.

Видеоподкасти “Оила – макони меҳрубонӣ” бо ҳамоҳангсозии Кумитаи кор бо занон ва оилаи назди Ҳукумати Ҷумҳурии Тоҷикистон дар доираи Ташаббуси муштараки Иттиҳоди Аврупо ва Созмони Милали Муттаҳид “Нури рӯшноӣ” таҳия шудааст.