Зимни нишасти матбуотии имрӯза роҳбари Агентии авиатсияи граждании назди ҳукумати Тоҷикистон Дилшод Сафарзода изҳор дошт, ки дар Тоҷикистон парвозҳо бо хатсайри Душанбе-Хоруғ-Душанбе иҷро намешаванд, дар навбати аввал бо сабаби мавҷуд набудани ҳавопаймои муносиб.
Ӯ зикр кард, ки айни замон барои харидории ҳавопаймои муносиб гуфтушунидҳо ҷараён дошта, дар ҳамин ҳол, ба масъалаи молиявӣ таваҷҷуҳи хосса зоҳир хоҳад шуд.
Ба гуфтаи вай, омили муҳим мавҷуд будани муҳаррики сарфакор аст, ки ба таъмини пурсамари истифодаи сӯзишворӣ дар ин хатсайр қодир бошад.
“Хоруғ қитъаи калон нест ва ин ҷо хароҷоти асосӣ ба сӯзишворӣ, инчунин маош вобаста аст. Хароҷот ба аэронавигатсия ва хидматрасониҳои фурудгоҳ чандон зиёд нестанд”, - иброз дошт роҳбари Агентӣ.
Ба гуфтаи Дилшод Сафарзода, ҳудуди 50-60% аз маблағи умумии хароҷот барои сӯзишворӣ сарф мешавад.
Ӯ хотиррасон намуд, ки дар давраи парвози санҷишӣ билет ба ин хатсайр 100 доллар нарх дошт.
Дар ҳамин ҳол, шарҳ дод, ки истифодаи ҳавопаймои ширкати “Тоҷик Эйр” дар ин хатсайр самаранок нест, зеро он метавонад нархи билетро то 200 доллар расонад. Ҳавопаймо ба қавли ӯ, фарсуда шуда, барои омода кардани он ба хидматрасонӣ хароҷоти иловагӣ талаб мешавад.
Сафарзода итминон дод, ки бо дастрас шудани ҳавопаймои нав хатсайрҳои ҳавоии дохилӣ ба ин самт барқарор карда мешаванд.
Кай он барқарор мешавад - маълум нест.
Ёдрас мекунем, ки қаблан бо ҳавопаймои Ан-28 -и ширкати ҳавопаймоии “Тоҷик Эйр” ба Хоруғ парвозҳо анҷом дода мешуданд. Аммо аз моҳи октябри соли 2017 пас аз қатъи парвозҳо ба Хоруғ аз ҷониби ширкати ҳавопаймоии миллӣ, ба ин минтақа танҳо бо роҳи мошингард сафар кардан мумкин аст. Дар роҳ 14-16 соат вақт сарф мешавад.
Сайты, порталы и блоги, которые знакомят с Таджикистаном
Как «Душанбе Сити Банк» защищает вас от мошенников
В МИДе России заявили о «нескором» процессе снятия с «Талибана» террористического статуса
«Тоҷикистон ба пеш!» Formula55 поддержала известного паралимпийского армрестлера Тохира Хусейнова
В ГБАО будут введены в эксплуатацию 7 солнечных электростанций
Эмили и ее команда. Как таджичка в Америке помогает школьникам из Таджикистана
Глава Минобороны Таджикистана призвал не допускать незаконных действий при призывной кампании
BAIC BJ40 New: монстр бездорожья на рынке Таджикистана
Абитуриентам в Худжанде и Душанбе расскажут, как поступить в вузы России и Беларуси
Коллективные силы ОДКБ направляются в Казахстан на учения
Все новости
Авторизуйтесь, пожалуйста