Тибқи иттилои Александр Горовой, муовини аввали вазири корҳои дохилии Русия, дар ин кишвар 670 ҳазор муҳоҷири ғайриқонунӣ ҳузур доранд, ки бештари онҳо занону кӯдакон ҳастанд. Аммо ӯ мушаххас дар бораи аз кадом кишварҳо будани и муҳоҷирон иттилоъ надодааст.

Ин мансабдори рус гуфтааст, онҳое, ки қонуншиканӣ накардаанд, то 30-юми апрел метавонанд вазъи ҳуқуқии худро дар Русия ба танзим дароранд ва ба будубоши худ идома диҳанд.

Ба гуфтаи ӯ, барои ин муҳоҷирон бояд ба мақомоти дахлдори Русия то 30-юми апрел муроҷиат кунанд.

“Пас аз тафтиши сабтҳои махсуси мо ва баҳодиҳии мавҷуд набудани ягон қонуншикание, ки ба тартиботи ҷамъиятӣ таҳдид мекунанд, мо вазъи ҳуқуқии ин шаҳрвандони хориҷиро танзим мекунем. Дар акси ҳол, онҳо вазифадоранд, ки Русияро тарк кунанд”, - гуфтааст Горовой.

Хотиррасон мекунем, ки аз 5 феврали соли 2025 дар Русия як қатор меъёрҳои нави қонунгузорӣ мавриди амал қарор мегиранд, ки бевосита ба муҳоҷирони меҳнатӣ дахл дорад. Онҳо чӣ қонунҳое ҳастанд ва чӣ маҳдудият барои муҳоҷирон хоҳанд дошт? Дар ин матлаби мо  хонед.

Дар Telegram, Facebook ва Instagram бо мо бимонед.