Санаи 1 июн дар саросари дунё Рӯзи байнулмилалии ҳифзи кӯдакон ҷашн гирифта мешавад. Ва тасаввури ин рӯз бе хурсандии онҳо ғайриимкон аст. Аз ин рӯ, гурӯҳи расонаҳои “Азия-Плюс” тасмим гирифт, ки барои онҳо як чорабинии идона баргузор намояд.

Рӯзи 1 июн дар “Боғи Ирам” (Боғи ботаникӣ) аз соати 10:00 то соати 15:00 шумо ва фарзандонатонро ҳунармандон интизоранд, ки барои тамоми рӯз табъатонро болида мегардонанд. Ҳунармнадони сирк малакаҳои худро ба шумо мемомӯзонанд.

Варзишгари касбӣ бо кӯдакон машғулият гузаронида, бобати ҳамеша дар ҳолати хуби ҷисмонӣ нигоҳ доштани организматон маслиҳатҳои муфид медиҳад. Ва албатта кӯдакон бо волидонашон метавонанд дар мусобиқаҳои варзишии гуногуни шавқовар иштирок кунанд.

Рассомони ҷавон дар минтақаи махсуси барои рассомӣ пешбинишуда тахайюлоти худро рӯйи коғаз оварда метавонанд. Ин ҷо ба муҳрабофӣ, аз коғаз сохтани чизҳои гуногун (аппликатсия), фейс-арт ва дигар касбҳои шавқовар низ машғул шудан имкон дорад. Доир ба кашидани нақшу нигор дар сафол низ машғулиятҳо гузаронида мешаванд.

Ва албатта бозиҳои дӯстдоштаи кӯдакон - бозиҳои рӯи миз, озмунҳо барои кӯдакон ва аҳли оила - ба сурати умум ҳама чизи зарурӣ барои хуш гузаронидани вақти кӯдак. Ғайр аз ин, бо обу дар об ҳам бозӣ кардан мумкин аст.

Студияи эстрадии вокалии кӯдаконаи “Ҳафтранг” бо мусиқиву таронаҳои зебои худ табъи шуморо болида медорад.

Тарабхонаи туркии “Мерве” ва меҳмонхонаи “Хилтон” ба шумо “шириниҳо”-и худро пешниҳод мекунанд. Барои кӯдакони имконияташон маҳдуд ҳама чиз комилан бепул аст. ҶСК “Оби зулол” ташнагиатонро шикаста, ҶДММ “Эскимо Мастер” бо яхмосҳои хушмаззааш шуморо зиёфат мекунад.

Воридшавӣ барои калонсолон ба боғ ҳамагӣ 2 сомонӣ нарх дошта, чорабинӣ комилан бепул пешниҳод мегардад. Интизори шумоем!

Шарики генералии чорабинӣ оператори алоқаи мобилӣ Zet-mobile (Beeline Tajikistan) мебошад. Шарикони расмӣ: Сафорати Олмон дар Тоҷикистон ва намояндагии Иттиҳоди Аврупо дар ҷумҳурӣ.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.