Имрӯз, 7-уми ноябр, дастаҳои футболи “Истиқлол”-и Душанбе ва “Персеполис”-и Теҳрон дар доираи бозиҳои даври чоруми марҳилаи гурӯҳии Лигаи қаҳрамонҳои Осиё бо ҳам рақобат мекунанд.
Бозӣ соати 19:00 дар варзишгоҳи марказии ҷумҳуриявӣ оғоз мегардад.
Дар остонаи бозии “Истиқлол” – “Персеполис” бо иштироки намояндагони Конфедератсияи футболи Осиё, Федератсияи футболи Тоҷикистон, роҳбарони бошгоҳҳои футболи “Истиқлол” ва “Персеполис”, кумитаи тадорукот ва ҳайати дастаи “Персеполис” мулоқоти анъанавии пеш аз бозӣ баргузор гардид.
Дар ҷаласа масъалаҳои ташкилии баргузории ин бозӣ баррасӣ шуданд. Рангҳои бозии дастаҳои ширкаткунанда низ муайян шуданд.
Қаҳрамони Тоҷикистон бо либоси сурх, бозигарони қаҳрамони Эрон бо либоси сафед бозӣ мекунанд.
Бошгоҳи футболи “Истиқлол” аз тамоми мухлисон хоҳиш кардааст, ки ба варзишгоҳ барвақттар хозир шаванд.
Бояд гуфт, ки ин охирин имконият барои дастаи “Истиқлол” ҷиҳати баромад аз гуруҳ мебошад. Айни ҳол “Истиқлол” пас аз даври сеюм бо 1 мусовӣ ва ду мағлубият соҳиби 1 хол гардида, бо назардошти таносуби манфии голҳо (1-5) дар мақоми охирини гуруҳи “Е” қарор дорад.
Дастаи “Ад-Дуҳайл”-и Қатар ҳам мисли “Истиқлол” як мусовӣ ва ду мағлубият дорад, аммо бо таносуби беҳтари голҳо (3-5) дар мақоми сеюм ҷойгир шудааст.
Дастаи “Персеполис”-и Эрон бошад, бо ду ғалаба ва як мағлубият 6 хол ба даст оварда, мақоми дуюмро касб кардааст.
Дастаи “Ан-Наср”-и Арабистони Саудӣ бо сардории Криштиану Роналду, ситораи футболи тими миллии Португал, дар се бозии баргузоркарда 3 ғалаба ба даст оварда, бо касби 9 хол, мақоми аввалро дар гуруҳ соҳиб шудааст.
Ба ин тартиб, агар имрӯз “Истиқлол” аз “Персеполис” хол ситонида натавонад, тамоми имконияти баромад аз гуруҳро аз даст хоҳад дод.
Ҷадвали бозиҳои “Истиқлол”:
Даври 5-ум
27-уми ноябр
“Ад-Дуҳайл” – “Истиқлол”
Даври 6-ум
5-уми декабр
“Истиқлол” – “Ан-Наср”
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста