Душанбе. 5-уми июл. ОИ «Азия-Плюс» - Дар Вазорати рушди иқтисод ва савдои ҶТ масъалаи ҷорӣ сохтани «Тартиби ягона» барои қоидаҳои воридот ва содирот баррасӣ шуд..
Аз вазорати номбурда хабар доданд, ки дар муҳокимаи масъала намояндагони вазорату муассисаҳои дахлдор, бахши соҳибкорӣ ва созмонҳои ҷамъиятӣ иштирок доштанд.
Намояндагони вазорати рушди иқтисод ва савдои ҶТ перомуни ҷараёни таҳия сохтани Консепсияи миллии «Тартиби ягона» ба ҳозирин маълумот дода, изҳор доштанд, ки дар консепсия зарурат ва тартиби пешниҳоди шакли ягонаи иттилооот ва ҳуҷҷатҳо ба мақомоти дахлдор аз ҷониби корхонаву муассисот ва соҳибкороне, ки бо содирот сарукор доранд, нишон дода шудаанд.
Муқоисаи таҳлилии санадҳо нишон дод, ки дар Тоҷикистон шумораи
ҳамаи ҳуҷҷатҳои зарурии воридот ва содирот ба 10 то 14 адад мерасидааст. Ин рақам дар Русия 8 ва дар Латвия ҳамагӣ 5-6-то будааст. Мутаносибан субъектҳо барои омода намудани ҳуҷҷатҳо дар Тоҷикистон аз 44 то 70 рӯз вақт сарф мекардаанд, дар Русия - 39 рӯз ва дар Латвия ҳамагӣ 11 рӯз.
Ғайр аз ин, коршиносон зикр мекунанд, ки хароҷоти содирот аз Тоҷикистон бо дарназардошти таҳияи ҳуҷҷатҳо 20-23%-и ҳаҷми умумии савдоро ташкил медиҳад, ки нишондиҳандаи пасттарин дар ҷаҳон аст.
Қобили зикр аст, ки «Тартиби ягона» низомест, ки ҷиҳати табодули иттилооти тиҷоратӣ ва таҳияи ҳуҷҷатҳо, таъмини мақомоти гумрук бо иттилооти фаврӣ ва татбиқи мониторинги фаъолияти мақомоти ваколатдор имкони мусоид фароҳам месозад.
Дар як кӯчаи Душанбе ҳаракати нақлиёт барои се моҳ маҳдуд мешавад
Баъди танқиди раиси Бохтар ду масъули маркази дилхушӣ 5 шабонарӯз ҳабс шуданд
Бо ипотека дар Тоҷикистон метавон соҳиби хона шуд?
“Бе ноноварони хона зиндагӣ душвор аст”. Аз қазияи пурсарусадои “ҷанҷол бо милисаҳо дар Истаравшан” як сол гузашт
Ҷаҳон ҳамлаи охири Исроил ба Рафаҳро маҳкум кард. Нетаняҳу онро “иштибоҳи ғамангез” унвон кард
“Самбӯсаи косагӣ”. Дар куҷо ва бо чӣ қимат метавон пайдо кард?
Мавқеи Тоҷикистон дар “Шохиси шаффофияти буҷет”-и Шабакаи байналмилалии буҷетӣ беҳтар шудааст
“Ҳуҷҷату хона надорем, куҷо худро дар қайд гузорем?”. Боздошту ҷаримаи шахсони бесарпаноҳ дар Суғд
Султон Валиев - вакили пешини парлумону раиси Ховалингу Восеъ даргузашт
Владимир Путин гуфт, робита бо Толибон зарур аст
Кулли ахбор
Авторизуйтесь, пожалуйста