Далер Ҷумъа, вазири энернетика ва захираҳои оби Тоҷикистон панҷ далел ба изҳороти Эмомалӣ Раҳмон, президенти кишвар дар мавриди расидан ба истиқлолияти энергетикӣ дар зарфи 2,5 соли оянда изҳори назар кард.
Эмомалӣ Раҳмон дар паёми худ ба парлумони кишвар охири соли гузашта гуфт, ки аз моҳи майи соли 2027 камбуди неруи барқ дар кишвар пурра аз байн бурда шуда, ҷумҳурӣ ба "истиқлолияти комили энергетикӣ" мерасад.
“Камбуди мавсимии барқ (дар давраи тирамоҳу зимистон, - эзоҳи муаллиф) 1,5 млрд киловатт-соат арзёбӣ мешавад”, - гуфт вазири энергетика рӯзи 30 январ зимни нишасти матбуотӣ.
Ба гуфтаи ӯ, баҳри расидан ба истиқлолияти энергетикӣ айни замон дар панҷ самт корҳо ҷараён доранд
1. Ба истифода додани агрегати сеюми (№4) нерӯгоҳи “Роғун”. Баланд бардоштани сатҳи об дар обанбор, иқтидори неругоҳро се баробар зиёд мекунад. Ғайр аз ин, танзими захираҳои об дар обанбори “Роғун” ба 400 Мегаватт (МВт) баланд бардоштани иқтидори нерӯгоҳҳои амалкунанда дар поёноби дарёи Вахш имкон медиҳад.
2. Соли равон дар ноҳияи Роштақалъаи ВМКБ неругоҳи барқи обии “Себзор” бо иқтидори 11 МВт мавриди баҳрабардорӣ қарор мегирад.
3. Таъмиру навсозии айни замон бузургтарин неругоҳи барқи обии кишвар – “Норак”, инчунин неругоҳҳои “Қайроққум” ва “Сарбанд” то соли 2027 иқтидори умумии ин неругоҳҳоро 431 МВт зиёд мекунад.
4. Коҳиши сатҳи талафоти нерӯи барқ ба сарфакорона истифода бурдани он аз ҷониби аҳолӣ боис мегардад.
5. На дертар аз соли 2027 мавриди истифода қарор додани ду неругоҳи офтобӣ бо иқтидори 400 МВт.
Тибқи маълумоти Вазорати энергетика иқтидори муқарраршудаи барқи кишвар, ҳудуди 6000 МВт-ро ташкил медиҳад.
Дар ин ниҳод ваъда медиҳанд, ки айни замон ба корбарони маишӣ дар минтақаи деҳот дар як шабонарӯз 8-10 соат барқ дода мешавад, лекин сокинони деҳот шикоят мекунанд, ки хеле камтар ва баъзан ҳатто як шабонарӯз барқ намегиранд.
Қурби рубл боло меравад. Кадом омил боиси тақвияти қурби пули Русия гардид?
Дар Душанбе барои сохтмони метро мутахассис омода мекунанд
“Коргарони “Роғун” метавонанд рӯза нагиранд”. Муфтии Тоҷикистон гуфт, кӣ метавонад рӯза нагирад
Интихоботи парлумонии Тоҷикистон. Аз оғоз то имрӯз
Азим Байзоев, яке аз мубаллиғони омӯзиши забони тоҷикӣ, даргузашт
Як созмони байналмилалӣ ҳукми зиндони Рухшона Ҳакимоваро маҳкум карда, озодиашро талаб намуд
Ҷасади ронандаи зери тарма мондаро як рӯз баъд пайдо кардаанд
Чанд расонаи мустақил, аз ҷумла “Азия-Плюс” аз бозтоби интихоботи парлумонӣ маҳрум шуданд
Роҳи Ворух мақоми бетараф мегирад. Тафсилоти созишномаи марзӣ бо Қирғизистон
Моҳи март ҳаво дар Тоҷикистон салқину сербориш мешавад
Кулли ахбор
Авторизуйтесь, пожалуйста